मुक्तपीठ टीम
राजकारण आणि समाजकारण एकमेकांचे पूरक विषय आहेत. दोन्ही गुण राजकारणी व्यक्तीकडे असणे गरजेचे असून एकनिष्ठ राहून कठोर परिश्रम घेल्यास यश आणि केलेल्या कामाचे समाधान मिळते असे विधानपरिषदेच्या उपसभापती डॉ.निलम गोऱ्हे यांनी सांगितले.
डॉ. निलम गोऱ्हे यांच्या शासकीय निवासस्थानी राजकीय शिक्षण घेणाऱ्या विद्यार्थ्यांना मार्गदर्शन करताना त्या बोलत होत्या. यावेळी देशातील विविध भागातील इंडियन स्कूल आँफ डेमोक्राँसी या संस्थेत शिकणारे विद्यार्थी उपस्थित होते.
डॉ. निलम गोऱ्हे यांनी आपला जीवनपट विद्यार्थ्यांना सांगितला. यामध्ये त्यांनी राज्यात केलेल्या समाजकार्यात, महिलांसाठीचे आंदोलन, प्रत्यक्षात तळागाळातील अनुभव विद्यार्थ्यांना सांगितले.
शालेय जिवनापासूनच संघटन करुन अन्यायाविरुद्ध संघर्ष करण्यासाठी पुढाकार घेत आले असल्याचे त्यांनी यावेळी विद्यार्थ्यांना सांगितले.
मुख्यमंत्री उद्धव ठाकरे आणि शिवसेनाप्रमुख बाळासाहेब ठाकरे यांनी माझ्या कार्याची दखल घेवून मला शिवसेनेत घेण्याचे ठरविले आणि शिवसेनेचे विचार आणि सामाजिक कार्य मलाही भावली म्हणून पक्ष प्रवेश केला आणि प्रामाणिकपणे काम करत आहे. मला पक्षाने आमदारकी आणि उपसभापतीपदाबरोबरच अनेक महत्वाच्या ठिकाणी काम करण्याची संधी उपलब्ध करून दिली आहे.
समाज कार्याबरोबरच महिलांसाठी विशेष काम शेवटच्या घटकांपर्यंत घेवून जाणे गरजेचे आहे. कठोर परीश्रमाबरोबर वाचन, लिखाण आणि भाषणकलाही राजकारणासाठी महत्वाची आहे. असे डॉ. निलम गोऱ्हे यांनी सांगितले.
Subscribe
