मुक्तपीठ टीम
लोकप्रिय अभिनेत्री नेहा धुपिया आपल्या चित्रपटांसाठीच नाही तर वैयक्तिक वागण्यासाठीही नेहमीच चर्चेत असते. नेहा सामाजिक-राजकीय मुद्द्यांवरही आपले मत सोशल मीडियावर मांडत असते. तसेच आपल्या चाहत्यांच्या संपर्कात राहण्यासाठी ती नेहमीच आपले छायाचित्र आणि व्हिडीओ शेअर करीत असते. तिच्या सरळस्पष्ट भूमिकेमुळे काहीवेळा तिला ट्रोलर्स त्रासही देतात. पण ती त्यांना जुमानत नाही. आताही तिने बाळाला स्तनपानासाठी जवळ घेतल्याचे छायाचित्र पोस्ट करताच एका ट्रोलरने तिच्या स्तनपानाचा व्हिडीओ मागितला. नेहाने त्याला जे काही सुनावलं ते ट्रोलर्सना धडा शिकवणारंच आहे.
नेहा धुपियाने आपल्या अधिकृत इंस्ट्राग्राम अकाउंटवर आपल्या मुलीसोबतचे एक छायाचित्र शेअर केला आहे. त्या छायाचित्रत ती आपल्या मुलीला स्तनपान करताना दिसत आहे. हे छायाचित्र नेहाने सोशल मीडियावर शेअर करताच एका ट्रोलरने कमेंट केली, “तुम्ही तुमच्या स्तनपानाचा व्हिडीओ शेअर करु शकता का? नम्र विनंती”. ही कमेंट पाहायताच नेहा धुपिया संतापली. त्या कमेंटला इंस्ट्राग्रामवर शेअर करत लांबसडक पोस्ट लिहून त्या ट्रोलरला चांगलंच सुनावले आहे.
View this post on Instagram
नेहा धुपियाने त्या ट्रोलरला चांगलंच सुनावलं…
• मी सहसा अशा कमेंट दुर्लक्ष किंवा डिलिट करुन टाकते, पण ही कमेंट मी सर्वांसमोर आणते आहे.
• ही अशी लोक आहेत जे प्रत्येक आईसाठी स्तनपान संकोचाचे कारण बनवतात.
• मातृत्वातील आनंद समोर येतच असते, पण आई होणे हे कठीण असते आणि जे आवश्यक आहे ते ती करत असतेच.
• त्यामुळे त्यावर प्रश्न उपस्थितीत केले जाऊ नयेत आणि ट्रोल केले जाऊ नये.
• मी या सर्वातून गेली आहे त्यामुळे मला माहिती आहे की, ते किती कठीण असते.
• आईच्या स्तनपानाकडे काही लोक वेगळ्या नजरेने पाहातात, पण आम्ही स्तनपान सामान्य बनवू इच्छितो.
• आपल्या देशात महिलांसाठी विचित्र परिस्थिती निर्माण केली जाते, ही असंवेदनशील प्रतिक्रिया त्याचे खूप मोठे उदाहरण आहे.
• चला तर मग स्तनपानाला सेक्सुअलाइज नाही तर सामान्य कृती बनवूया!
Subscribe
