मुक्तपीठ टीम
कॉर्डेलिया क्रूझप्रकरणी अमलीपदार्थ नियंत्रण विभागाच्या विशेष तपास पथकाच्या तपासात धक्कादायक बाब समोर आली आहे. अभिनेता शाहरुख खानचा मुलगा आर्यन खानकडे कोणतेही अंमली पदार्थ नव्हते, हे तपासाअंती उघड झाले आहे. तसेच आर्यन खानचा कोणत्याही मोठ्या ड्रग रॅकेटशी संबंध नाही असं या समितीनं म्हटलं आहे.
एनसीबीच्या एसआयटीचे निष्कर्ष
- आर्यनने त्याचा मित्र अरबाज मर्चंटला क्रूझवर ड्रग्ज आणण्यास सांगितलं नव्हतं.
- आर्यन खानकडे ड्रग्ज आढळलेच नव्हते, त्यामुळे त्याचा फोन घेऊन त्याचे चॅट्स तपासण्याची गरज नव्हती.
- चॅट्स असे सुचवत नाहीत की आर्यन कोणत्याही आंतरराष्ट्रीय ड्रग्ज रॅकेटचा भाग होता.
- एनसीबी मॅन्युअलमध्ये अनिवार्य असूनसुद्धा छाप्याचा व्हिडिओ रेकॉर्ड केलेला नव्हता.
- गुन्ह्यात अटक केलेल्या अनेक आरोपींकडून जप्त केलेले ड्रग्ज सिंगल रिकव्हरी म्हणून दाखवले आहेत.
एनसीबीच्या माजी विभागीय अधिकारी वानखेडेंच्या कारवाईवर प्रश्नचिन्ह
- एसआयटीचा तपास अद्याप पूर्ण झालेला नसून एनसीबीचे महासंचालक एस. एन. प्रधान यांना अंतिम अहवाल सादर करण्यासाठी आणखी काही महिने लागू शकतात.
- हा अंतिम अहवाल सादर करण्यापूर्वी कायदेशीर मतं घेतली जातील.
- विशेषत: आर्यन खानकडे कोणतेही ड्रग्ज आढळले नसतानाही ड्रग्ज सेवनासाठी शिक्षा होऊ शकते का, या पैलूवर कायदेशीर मतं घेतली जातील, अशी माहिती अधिकाऱ्यांनी दिली.
- मात्र एसआयटीच्या तपासाने छापेमारी आणि एनसीबीचे माजी विभागीय संचालक समीर वानखेडे यांनी केलेल्या कारवाईवर आणखी प्रश्न उपस्थित केले आहेत.
- एसआयटीने अनेकदा वानखेडे यांचीसुद्धा चौकशी केली आहे.
कॉर्डेलिया क्रूझ पार्टी प्रकरण नेमकं काय?
- २ ऑक्टोबर २०२१ रोजी वानखेडे यांनी त्यांच्या टीमसोबत कॉर्डेलिया क्रूझवर छापा टाकला होता.
- या छाप्यात एनसीबीने आर्यन खान, अरबाज मर्चंट आणि मुनमुम धामेचा यांना अटक केली होती.
- त्यानंतर याप्रकरणात एनसीबीने आणखी १७ जणांना अटक केली.
- व्हॉट्सअॅप चॅट्सचा आधार घेत वानखेडे यांच्या टीमने दावा केला की हे आरोपी ड्रग्ज तस्करीच्या मोठ्या कटाचा भाग आहेत.
- आर्यन खान काही परदेशी ड्रग्ज सप्लायरच्या संपर्कात असल्याचा आरोप त्यांनी केला होता.
- जवळपास महिनाभर कारागृहात राहिल्यानंतर आर्यन खानची गेल्या वर्षी २८ ऑक्टोबर रोजी जामिनावर सुटका झाली होती.
Subscribe
