मुक्तपीठ टीम
राष्ट्रवादी काँग्रेसचे नेते, कॅबिनेट मंत्री नवाब मलिक यांनी एनसीबीचे अधिकारी समीर वानखेडे यांच्यावर तीन गंभीर आरोप केले आहेत. समीर वानखेडे यांनी एका आयपीएस अधिकाऱ्याच्या मुलाला खोट्या गुन्ह्यात अडकले. आधीच्या पत्नीच्या नातेवाईकालाही खोट्या गुन्ह्यात अडकवले आणि शाळा सोडल्याचे बनावट दाखले सादर केल्याचा गंभीर आरोप मलिक यांनी केला आहे. त्यामुळे एकच खळबळ उडाली आहे. याप्रकरणी समीर वानखेडेंच्या वडिलांनी मलिकांविरोधात केलेल्या अब्रुनुकसानीच्या दाव्यावर उच्च न्यायालयात सुनावणी आहे. त्यात त्यांनी मलिकांना आरोप करण्यापासून, ट्वीट, प्रसिद्धीपासून रोखण्याच्या मागणीवर आज निकालाची शक्यता आहे.
नवाब मलिक यांनी पत्रकार परिषद घेऊन समीर वानखेडेंवर गंभीर आरोप केले आहेत. ते म्हणालेत की, समीर दाऊद वानखेडेंचा फर्जीवाडा समोर येत आहे.
मलिकांचे तीन आरोप
- एक आयपीएस अधिकारी त्यांचा शेजारी होता. त्यांच्याशी त्यांचं बिनसलं. त्यांनी या अधिकाऱ्याच्या मुलाला एका गुन्ह्यात फसवलं.
- पत्नीच्या चुलत भावालाही अडकवलं. वानखेडे यांनी ज्या मुलीला घटस्फोट दिला ती मुलगी कधीही विरोधात जाईल म्हणून तिच्या एका चुलत भावाला ड्रग्स प्रकरणात अडकवलं.
- शाळा सोडल्याचे बनावट दाखले सादर केले
आज लागणार निकाल
- मुंबई महापालिकेची सर्व कागदपत्रं पाहिली असल्याचे मलिक यांनी सांगितले.
- शाळेच्या दाखल्यापासून न्यायालयासमोर ठेवल्या आहेत.
- सर्व कागदपत्रे आम्ही त्यांच्या वकिलांना दिली आहेत.
- दुपारी न्यायाधीशाच्या चेंबरमध्ये त्यावर सुनावणी होणार आहे.
- समीर वानखेडेंच्या वडिलांनी मलिकांविरोधात सव्वा कोटीचा मानहानीचा दावा केला आहे.
- त्यांना ट्विट करण्यापासून रोखण्याची त्यांनी मागणी केली आहे.
- त्यावर उच्च न्यायालयात त्यावर सुनावणी होणार आहे.
वानखेडेंची नोकरी जाणारच!
- समीर वानखेडेंनाबनावट प्रमाणपत्र बनवणं कितीसं अवघड आहे?
- त्यांनी जन्माचं प्रमाणपत्र दाखवावं. खोटी कागदपत्रं दाखवू नये.
- त्यांच्या विरोधात जात पडताळणी समितीकडे तक्रार झाली आहे.
- तिथेही कागदपत्रं दिली आहेत. तिथे चौकशी होईल आणि त्यांची नोकरी निश्चित जाणार आहे.
- त्यांनी १९९३मध्ये खाडाखोड करून कागदपत्रं मिळवली.
- रजिस्टर गहाळ केलं.
- पण ही सर्व कागदपत्रं स्कॅन आहेत.
- खोट्या कागदपत्रांवरच त्यांनी नोकरी मिळवली आहे. त्यामुळे त्यांची नोकरी जाणार हे निश्चित आहे, असा दावा नवाब मलिक यांनी केला आहे.
Subscribe
