मुक्तपीठ टीम
संपूर्ण देशात विविध शेतकरी व कामगार संघटना तर्फे आयोजित भारत बंदला पाठिंबा देण्यासाठी महाराष्ट्र प्रदेश काँग्रेस कमिटीने संपूर्ण राज्यात एक दिवसीय लाक्षणिक उपोषण करीत पाठिंबा दिला. ठाण्यामध्ये आयोजित एक दिवसीय लाक्षणिक उपोषणच्या कार्यक्रमात प्रदेश काँग्रेस कार्याध्यक्ष व माजी मंत्री मो. आरिफ (नसीम) खान सामील झाले होते.
यावेळी लोकांना संबोधित करत असताना नसीम खान म्हणाले की मोदी सरकार हे शेतकरी, कामगार आणि जनता विरोधी सरकार आहे. काँग्रेस पार्टी सुरुवातीपासूनच या काळया शेतकरी-कामगार विरोधी कायद्याचा विरोध करत आहेत. आज देशामध्ये महागाई वाढत आहे, पेट्रोल-डिझेल, घरगुती गॅसचा भाव दररोज वाढत आहेत, नवयुवक तरुण बेरोजगार होत चालले आहेत. देशातील शेतकरी व कामगार संघटना मागिल 120 दिवसापासुन संपूर्ण देशात आंदोलन करत आहे. मोदी सरकार हे लोकतंत्राचा फज्जा उडवायचं काम करत आहेत. काँग्रेस पक्ष शेतकरी-कामगार बेरोजगार व महागाईच्या विरोधात जनतेसोबत मजबुतीने उभी आहे जोपर्यंत न्याय मिळत नाही तोपर्यंत हा लढा सुरूच राहील असे नसीम खान यावेळी म्हणाले.
यावेळी ठाणे जिल्हा अध्यक्ष एॅड. विक्रांत चव्हाण ठाण्याचे प्रभारी राजेश शर्मा, तारीक फारुकी, राकेश शेट्टी, काँग्रेसचे सर्व ज्येष्ठ नेतेमंडळी, नगरसेवक व ठाण्याचे सर्व पदाधिकारी व कार्यकर्ते उपस्थित होते
Subscribe
