मायक्रोसॉफ्टचा नवा लॅपटॉप…भन्नाट फिचर्स… १९ तासांची बॅटरी!

मुक्तपीठ टीम

मायक्रोसॉफ्टने नुकताच सरफेस लॅपटॉप ४ लॉन्च केला आहे. भारतातील या लॅपटॉपची सुरुवातीची किंमत १ लाख ३ हजार रुपये आहे. लॅपटॉपमध्ये १९ तासांपर्यंत चालणाऱ्या बॅटरीसह, ११ व्या जनरेशनचा इंटेल कोर प्रोसेसर आहे. हा लॅपटॉप प्लॅटिनम आणि मॅट ब्लॅक कलर ऑप्शन्समध्ये आहे. हे लॅपटॉप अ‍ॅमेझॉन आणि रिलायन्स डिजिटलकडून खरेदी करता येतील.

मायक्रोसॉफ्ट सरफेस लॅपटॉप ४चे जबरदस्त फीचर्स

१. या लॅपटॉपमध्ये एक भव्य स्लीक अ‍ॅल्युमिनियम बॉडीसह, दोन डिस्प्ले पर्याय आहेत.
२. पहिला एक १३.५ इंच क्यूएचडी + डिस्प्ले आहे जो २२५६x१५०४ पिक्सलच्या रिझॉल्यूशनसह येतो.
३. त्याच वेळी, दुसरा पर्याय १५ इंचाचा आहे, ज्यामध्ये २४९६x१६६४ पिक्सेल रिझॉल्यूशनसह क्यूएचडी + डिस्प्ले मिळेल.
४. लॅपटॉपचा ट्रॅकपॅड बराच मोठा आहे आणि बॅकलिट कीबोर्डही ऑफर केला जात आहे.
५. लॅपटॉपमध्ये ११ व्या जनरेशनचे इंटेल कोर आय ७-११८५जी७ प्रोसेसर किंवा एएमडी रायझन ७ ४९८०यू चिपसेटचा पर्याय आहे.
६. या लॅपटॉपमध्ये डीडीआर ४ रॅम १६ जीबी पर्यंत आहे आणि ५१२ जीबी पर्यंतच्या एसएसडी स्टोरेजच्या या लॅपटॉपमध्ये ग्राफिक्ससाठी आयरिस एक्सइ / एएमडी रॅडियन देण्यात आले आहे.
७. ओएस विंडोज १० होम वर कार्य करते.

कंपनीचा असा दावा आहे की, बॅटरी एका चार्जवर १९ तासांपर्यंत बॅकअप देईल. कनेक्टिव्हिटीसाठी, या लॅपटॉपला कित्येक इनपुट आणि आउटपुट पोर्ट आहेत. यात टाइप-सी पोर्ट, एक टाइप-ए पोर्ट, एक सरफेस कनेक्ट पोर्ट आणि एक हेडफोन जॅक आहे. वायरलेस कनेक्टिव्हिटीसाठी आपणास वाय-फाय ६ आणि ब्लूटूथ ५.० मिळेल.

इतर फीचर्सनी संपन्न

१. व्हिडीओ कॉलिंगसाठी, लॅपटॉपमध्ये ७२० पिक्सेल रिझॉल्यूशनचा कॅमेरा देण्यात आला आहे.
२. विंडोज हॅलो फेस अनलॉक सिस्टम, दोन स्टुडिओ मायक्रोफोनसह लॅपटॉप सुसज्ज आहे.
३. जबरदस्त साउंडसाठी यामध्ये डॉल्बी अॅटमॉससह ओम्नीसॉनिक स्पीकर्स मिळतील.

पाहा व्हिडीओ: