मारुती सुझुकीचे एस-प्रेस्सो अपडेट मॉडल लाँच! स्वस्त आणि मस्त एन्ट्री लेव्हल हॅचबॅक!!

मुक्तपीठ टीम

मारुती सुझुकीने आपली एंट्री लेव्हल हॅचबॅक कार एस-प्रेस्सो अपडेट केली आहे आणि ती नवीन शैलीत बाजारात लाँच केली आहे. कंपनीने चांगली पॉवर इंजिन आणि मायलेजसह बाजारात सादर केली आहे. कंपनीने नवीन एस-प्रेस्सो मध्ये अनेक फीचर्स अपडेट केले आहेत. नवीन मारुती एस-प्रेस्सो १.०-लिटर के-सीरीज ड्युअल जेट ड्युअल वीवीटी पेट्रोल इंजिनसह सादर केली आहे.

देशातील सर्वात मोठी कार कंपनी मारुती सुझुकीने एंट्री-लेव्हल हॅचबॅक एस-प्रेस्सोची नवीन मॉडल कार बाजारात आणली आहे.
नवीन कारची शोरूम किंमत ४.२५ ते ५.९९ लाख रुपये आहे.
या मॉडेलच्या ऑटोमॅटिक गियर शिफ्ट व्हेरिएंटची किंमत अनुक्रमे ५.६५ लाख आणि ५.९९लाख रुपये आहे.
मारुती सुझुकीच्या तीन वर्षांच्या अल्प कालावधीत एस-प्रेस्सोच्या २,०२,५०० युनिट्सची विक्री केली आहे.
1.0 के-सिरीज इंजिनसह नवीन एस-प्रेस्सो ग्राहकांचा ड्रायव्हिंग अनुभव वाढवेल.
कंपनीने स्पष्ट केले की हे मॉडेल मानक म्हणून ड्युअल एअरबॅग्ज, हाय-स्पीड अलर्ट सिस्टम, रिव्हर्स पार्किंग सेन्सर यांसारख्या फिचर्सनी सुसज्ज आहे.