मराठी न्यूज चॅनल्स टीव्ही रेटिंग: मराठी प्रेक्षकांचा कौल कुणाला? का सोपं नाही टीव्ही 9चं स्थान पटकावणं?

तुळशीदास भोईटे / मुक्तपीठ टीम

मराठी न्यूज चॅनल्सचं टीव्ही रेटिंगचं चित्र सध्या तरी फारसं बदलताना दिसत नाही. मराठी न्यूज चॅनल्सच्या टीव्ही रेटिंग स्पर्धेत या आठवड्यातही पुन्हा एकदा टीव्ही 9 मराठीने आपला पहिला क्रमांक राखला आहे. तेवढंच नाही तर सर्वात जवळचा प्रतिस्पर्धी झी २४ तासशी असलेलं अंतरही वाढवलं आहे. झी २४ तास या चॅनलचे रेटिंग या आठवड्यातही पुन्हा कमी झाले आहे. यावेळी ०.९ ने रेटिंग कमी झाले. त्याचवेळी तिसऱ्या क्रमांकावरील एबीपी माझा ०.४ने मागे गेले आहे.

टीव्ही रेटिंगमधील महत्वाचे पॉईंट्स…

• मराठीतील सहा चॅनल्सच्या रेटिंगमध्ये टीव्ही 9 मराठीच पहिल्या स्थानी आहे.
• झी २४ तास हे चॅनल या आठवड्यात आणखी मागे गेलं आहे. टीव्ही 9चं पहिलं स्थान आता आणखी काही आठवड्यांसाठी तरी सुरक्षित झालं आहे.
• सध्या चार आठवड्यांच्या सरासरीवर टीव्ही रेटिंग काढले जात आहे.
• त्यामुळे पहिला क्रमांक मिळवायचा असेल तर किमान दहाने २४ तासला तर माझाला त्याच्या दुपटीने कामगिरी बजावावी लागेल. तेवढा पल्ला गाठणं सध्यातरी सोपं नाही.
• त्यातच एबीपी माझा ०.४ ने मागे गेले आहे.
• सामने या आठवड्यात .४ ने कामगिरी सुधारली आहे.
• न्यूज 18 लोकमत .३ ने वाढ नोंदलली असली तरी पाचवा क्रमांक आणि एक आकडी रेटिंग कायम आहे.
• लोकशाहीची स्थिती सहाव्या क्रमांकावर जैसे थे आहे.

कोणत्या न्यूज चॅनलला किती वाटा, किती घाटा?

• मराठी न्यूज चॅनलच्या बाजारात २८.८ % मार्केट शेअरसह टीव्ही9 मराठी हे न्यूज चॅनल नंबर १ आहे. त्यांच्यात ०.७ ची वाढ आहे.
• दुसऱ्या क्रमांकावर २६.३% मार्केट शेअरसह झी २४ तास आहे. गेल्या गुरुवारपेक्षा त्यांच्यात ०.९ ची घट आहे.
• एबीपी माझा १८.४ % मार्केट शेअरसह तिसऱ्या क्रमांकावर आहे.त्यांच्यात ०.४ची घट आहे.
• चौथ्या क्रमांकावर साम टीव्हीने .४ वाढ नोंदवली असून १२.४% मार्केट शेअरसह आहे.
• पाचव्या क्रमांकावर ८.६ % मार्केट शेअरसह न्यूज १८ लोकमत आहे. त्यांच्यात ०.३ची वाढ आहे.
• सहाव्या क्रमांकावर लोकशाही ५.५ % मार्केट शेअरसह आहे.

समजून घ्या टीव्ही रेटिंगबद्दलची माहिती…

• मराठी न्यूज चॅनल्समधील झी २४ तास आणि न्यूज १८ लोकमत हे पे चॅनल्स आहेत.
• एबीपी माझा, टीव्ही 9, साम, लोकशाही हे इतर चार चॅनल्स हे फ्री टू एअर आहेत.
• झी २४ तास हे दूरदर्शनच्या फ्री डिशवर उपलब्ध असणारे एकमेव चॅनल आहे.
• त्यामुळे अनेक टीव्ही चॅनल्सनी त्यांच्याविरोधात तक्रारी केल्या आहेत.
• फ्री डिशवरील वितरणामुळे झी समुहातील झी २४ ताससह ९ प्रादेशिक वाहिन्यांना ३० टक्के जास्त रेटिंग असलेल्या मार्केटमघ्ये पोहचण्याची संधी मिळते.
• प्रसारभारतीनेही बार्ककडे झीविरोधात तक्रार केली आहे.
• पण अद्याप त्याप्रकरणी काहीही कारवाई झालेली नाही.

सध्या टीव्ही रेटिंग हे चार आठवड्यांच्या सरासरी रेटिंगचं येत आहे.

• या गुरुवारी वर्षातील ११ व्या आठवड्याचे रेटिंग आले आहे.
• ते रेटिंग ८, ९, १० आणि ११ अशा चार आठवड्यांच्या सरासरीचं आहे.
• याचा अर्थ आता चॅनलना झटपट काही करून एका आठवड्याच्या कामगिरीवर मुसंडी मारणं सोपं असणार नाही.
• चार आठवडे सातत्यपूर्ण कामगिरी करूनच पुढे झेपावता येईल.
• या रेटिंगवरच मराठी न्यूज चॅनलचा मार्केट शेअर ठरत आहे.

(तुळशीदास भोईटे मुक्तपीठ या मुक्त माध्यमाचे संपादक आहेत. गेली ३० वर्षे प्रिंट, टीव्ही आणि आता डिजिटल माध्यम क्षेत्रात कार्यरत आहेत. सध्या सोशल मीडिया प्रशिक्षण, व्यवस्थापन, राजकीय सल्ला सेवा, लेखन अशा उपक्रमांमधून मुक्तपीठसाठी आर्थिक बळ मिळवण्यातही ते सहभागी असतात.)

(आकडेवारीत किंवा अन्य माहितीत काही चूक असेल, बदल अपेक्षित असेल तर कृपया त्वरित कळवा – ७०२११४८०७०, muktpeethteam@gmail.com)

खालील लिंक क्लिक करा आणि माहिती घ्या:

गेल्या आठवड्यात कसं होतं मराठी न्यूज चॅनल्सचं

• मराठी न्यूज चॅनल्स टीव्ही रेटिंग: सतत नवव्या आठवड्यात टीव्ही 9 अव्वल! २४ तास, एबीपी माझाचं काय

मराठी न्यूज चॅनल्स टीव्ही रेटिंग: सतत नवव्या आठवड्यात टीव्ही 9 अव्वल! २४ तास, एबीपी माझाचं काय?

• टीव्ही रेटिंगच्या घोटाळ्यानंतर तुळशीदास भोईटे यांनी सोप्या भाषेत टीव्ही रेटिंग समजवणारा व्हिडीओ केला होता.

  नक्की पाहा: