मुक्तपीठ टीम
बिहारमध्ये दशरथ मांझीनी आपली पत्नी फगुनियाच्या प्रेमाखातर एक डोंगर पोखरून रस्ता तयार केला. तसाच एक मांझी उस्मानाबाद जिल्ह्यामधल्या तुळजापूरजवळच्या “बोरी नदीच्या” खोलीकरणासाठी दिवस-रात्र एक करतोय,. या मांझीसाठीची फगुनिया म्हणजे तुळजापूर तालुका सुजलम् करणे आहे. त्या भगिरथ कार्यासाठी आज अनेकांचे हात साथ देण्यासाठी सरसावले. पण त्याने ते सुरु केले तेव्हा वापरले आपल्या आईचे निवृत्तीवेतन. सोबत होती त्यांची पत्नी. हा मांझी आपला आहे. आपल्यातीलच आहे. त्यांचे नाव आहे पंकज शहाणे!
मुक्तपीठ मित्र परिवारातील प्रणव कांबळे यांनी पंकज शहाणे यांना मराठवाड्याचा मांझी संबोधलं आहे. आपल्या मांझीची कहाणी प्रणव यांच्याच शब्दात.
आता या माणसाला तुम्ही “मांझी” म्हणा किंवा “आधुनिक भगिरथ” म्हणा किंवा अगदी सत्यमेव जयतेचा “सत्यजित भटकळ”.
मांझीने एकट्याने मेहनत डोंगर फोडला, भागिरथाने तपस्याकरून गंगा आणून दिली, तर सत्यजित भटकळ म्हणतात तुम्ही मेहनत करा मी पद्धत सांगतो. या तिन्ही गोष्टीबरोबर सोबतच पंकज शहाणे म्हणतात “या, चला खोलीकरणाचे काम आपण मिळून करू”
“एकला चलो रे” ने सुरवात करून आता “कंधोसे मिलते है कंधे” याप्रमाणे गेली ३४ दिवस खोलीकरणाचे अतिशय उत्तम काम सुरू आहे.
एक-एक इंचाच्या बांधासाठी भांडणारे लोकांच्या शेताजवळून नदी खोलीकरणाचं काम चालू करणं हे सोपे नाही. पण आईच्या निवृत्तीवेतनाचे पैसे, स्वत:च नाही तर पत्नी आणि गावकऱ्यांची साथ यातून पंकज अशक्य ते करून दाखवत आहेत. मुक्तपीठ टीमचा पंकज शहाणेंना मानाचा मुजरा.
आपल्या मांझीची पूर्ण प्रेरणाकथा लवकरच विस्ताराने मांडू. सध्या हा फक्त थोडक्यात परिचय.
(आपल्याही गावात, शहरात, चाळीत, सोसायटीत असं कुणी असेल तर हक्कानं ७०२११४८०७० या क्रमांकावर कळवा.)
पाहा व्हिडीओ:
Subscribe
