“आसाममध्ये आमदारांना पैसेच नाही, इतरही खूप काही दिलं गेलं!!” – ममता बॅनर्जी

मु्क्तपीठ टीम

महाराष्ट्रातील सत्तेच्या महासंघर्षावर पश्चिम बंगालच्या मुख्यमंत्री ममता बॅनर्जी यांनी भाजपावर जोरदार हल्लाबोल केला आहे. महाराष्ट्रातील सत्तांतराबद्दल त्या म्हणाल्या की भाजपाने महाराष्ट्रात सरकार जिंकलं आहे, पण लोकांची मने जिंकलेली नाहीत. तसेच आसाममध्ये नेलेल्या आमदारांना पैशांपेक्षाही खूप काही देण्यात आल्याचा आरोपही त्यांनी केला. त्या इंडिया टुडे कॉन्क्लेव्हमध्ये बोलत होत्या.

ममता बॅनर्जींचा भाजपावर हल्लाबोल

• भाजपाने महाराष्ट्रासाठी आपल्या सत्तेचा गैरवापर केला आहे.
• पैशाच्या जोरावर महाराष्ट्रातील सरकार पाडले गेले.
• भाजपने सीबीआय, ईडी आणि इन्कम टॅक्ससारख्या एजन्सींचा गैरवापर केला.
• भाजपाने महाराष्ट्रात स्थापने केलेले हे अनैतिक सरकार आहे.

भाजपाने महाराष्ट्र जिंकला, लोकांची मनं नाहीत!

• मी महाराष्ट्रात सत्तेचा असा दुरुपयोग कधीच पाहिला नाही.
• भाजपाने सरकार जिंकलं, पण लोकांची मनं जिंकलेली नाहीत.
• महाराष्ट्रातील आमदारांना आलिशान हॉटेल वास्तव्यासाठी पैसा कुठून आला?
• असे इतर सरकार सत्तेचा दुरुपयोग करताना पाहिलेले नाही.

आसाममध्ये पैशेच नाही, इतरही काही दिले!

• आसाममधील हॉटेल्समध्ये महाराष्ट्रातील आमदारांना केवळ पैसेच दिले जात नव्हते, तर त्याहूनही बरंच काही दिलं जात होतं.
• मात्र, त्या पेक्षा अधिक काही न बोलता, त्या म्हणाल्या की काही वेळा बोलण्यापेक्षा गप्प बसणे चांगले असते.

लोकच भाजपावर बुलडोझर फिरवतील’

• देशातील निवडणूक आता सामान्य जनता आणि भाजप यांच्यात होणार आहे.
• आता जनता भाजपावर बुलडोझर चालवणार आहे.