महाराष्ट्रात १ मेपर्यंत कडक लॉकडाऊन! सामान्यांसाठी लोकल, मेट्रो, मोनो प्रवास पूर्ण बंद!!

मुक्तपीठ टीम

महाराष्ट्रातील वाढत्या कोरोना उद्रेकाला थोपवण्यासाठी आज राज्य शासनाने कडक लॉकडाऊन जाहीर केले आहे. त्यासाठी नवीन निर्बंध जारी करण्यात आले आहेत. त्यानुसार २२ एप्रिल म्हणजेच गुरुवारी रात्री ८ वाजल्यापासून निर्बंध लागू होणार आहेत. १ मेच्या सकाळी सातपर्यंत हे लॉकडाऊन लागू असेल. मुंबईत सामान्य नागरिकांना लोकल, मेट्रो आणि मोनोतून प्रवास करता येणार नाही. ती मुभा केवळ सरकारी कर्मचाऱ्यांनाच असेल.

गुरुवार, २२ एप्रिल रात्री ८ वाजल्यापासून १ मेच्या सकाळी ७पर्यंत हे आदेश लागू राहतील
सर्व सरकारी कार्यालयांमध्ये सध्याची ५० % उपस्थिती घटवून ती केवळ १५ % करण्यात आली आहे.
कोरोना नियंत्रणासाठी अत्यावश्यक सेवेला सूट असेल.
अत्यावश्यक सेवेत नसलेले मात्र १३ एप्रिल रोजी जाहीर झालेल्या आदेशांमध्ये अपवाद म्हणून वगळण्यात आलेल्या कार्यालयांना १५ टक्के किंवा ५ कर्मचारी यापैकी जी संख्या जास्त असेल, त्या संख्येने कार्यरत राहता येईल.
सामान्यांना मेट्रो, मोनो आणि लोकल प्रवास पूर्णतः बंद असतील
खासगी वाहतुकीसाठी ड्रायव्हरसह फक्त ५०% प्रवाशांना परवानगी
सर्वसामान्यांचा विनाकारण प्रवास बंद केला असून, फक्त अत्यावश्यक कारणांसाठीच घराबाहेर पडता येणार आहेत.
अत्यावश्यक सेवेतील कार्यालयांमध्ये ५० टक्के कर्मचाऱ्यांना काम करता येणार आहे.
मात्र, आवश्यकतेनुसार या ठिकाणी १०० टक्क्यांपर्यंत कर्मचारी वाढवता येणार आहेत.
लग्नासाठी एका हॉलमध्ये २५ माणसांच्या उपस्थितीला परवानगी देण्यात आली आहे.
परंतु लग्नासाठी फक्त २ तासांची वेळमर्यादा दिलेली आहे.
तसेच नियमांचं उल्लंघन झाल्यास ५० हजार रुपये दंडसुद्धा आकारण्यात येणार आहे.
जिल्हा बंदीचा निर्णयही जाहीर करण्यात आला आहे.
खासगी वाहतुकीसाठी ड्रायव्हरसह फक्त ५० टक्के प्रवाशांना परवानगी देण्यात आली आहे.
नियमांचं उल्लंघन झाल्यास १० हजार रुपये दंड आकारला जाणार आहे.
खासगी व सार्वजनिक वाहतूकही केवळ अत्यावश्यक सेवेतील लोकांसाठीच असणार आहे.
एका जिल्ह्यातून दुसऱ्या जिल्ह्यात नागरिकांना प्रवेश बंदी असणार आहे.
सबळ कारण असेल तर प्रवेश दिला जाणार आहे.
अत्यावश्यक सेवेतील लोकांना मात्र मुभा असेल.