मुक्तपीठ टीम
नाशिक जिल्ह्यातील मालेगाव येथील रांगोळी कलाकार प्रमोद माळी (आर्वी) यांनी भारतरत्न गानसम्राज्ञी लता मंगेशकर यांची भव्य आणि सुंदर रांगोळी साकारली आहे. याहिपुर्वी अनेक रांगोळीच्या माध्यमातून त्यांनी आपल्या या अनोख्या कलेने सर्वांना आपलेसे केले आहे. याही रांगोळीला उत्स्फूर्त प्रतिसाद मिळत आहे.
मालेगाव नाशिक येथील श्री प्रमोद आर्वी गेल्या 9 वर्षा पासून रांगोळी कलेचे मार्गदर्शन करत आहेत. त्यांनी चित्रकले मध्ये, पेन्सिल स्केच, ऑइल कलर, रांगोळी, लहान मोठ्या मुलांना ह्या चित्रकलेचे प्रशिक्षण दिले आहे. परंतु त्यांना रांगोळी मध्ये खूप आवड असल्याने त्यांनी 8 वर्ष पूर्वीच ठरवले होते की आपल्या आयुष्यात आपल्याला एक मोठा रांगोळी कलाकार म्हणून ओळखले जावे.रांगोळी कलाक्षेत्रात खूप प्रसिद्धी आणि नावलौकिक मिळवा. यासाठी त्यांनी रांगोळी मध्ये शून्यातून सुरुवात केली. त्यावेळी त्यांना रांगोळीचे मार्गदर्शन करणारे कुणीही नव्हते, तरी देखील हताश न होता प्रमोद आर्वी यांनी सुप्रसिद्ध रांगोळीकार असा नावलौकिक मिळविला आहे. प्रमोद आर्वी अनेक चुकांमधून शिकत गेले, आणि पुढे त्यांनी महाराष्ट्र, व महाराष्ट्रा बाहेर देखील आपल्या रांगोळी कलेने रसिकांचे मने जिंकली आहेत. त्यांनी रांगोळी कलेला आज एक उंच दर्जा देण्याचा छोटासा प्रयत्न केला आहे.आज पर्यंत प्रमोद आर्वी यांनी अनेक देव देवतांच्या , नावाजलेल्या थोर कलावंतांच्या भव्य दिव्य रांगोळी कलाकृती साकारलेल्या आहेत. आता तर त्यांनी सुप्रसिद्ध गायिका, भारतरत्न, गानसम्राज्ञी लता मंगेशकर यांची भव्य रांगोळी साकारली आहे.
गानकोकिळा लता दीदी यांची रांगोळी काढून सर्व रसिकांना आनंद देण्याची प्रमोद आर्वी यांची खूप आधी पासून इच्छा होती , पण त्यासाठी अतिशय उत्कृष्ट दर्जेदार रांगोळी कला शिकण्याची आवश्यकता होती. आपण जेव्हा रांगोळी ही कला आत्मसात करू तेव्हा लता मंगेशकर यांची रांगोळी काढू असे त्यांनी ठरवले होते. आज ही च ती वेळ आहे. प्रमोद आर्वी यांनी लता मंगेशकर यांच्या ह्या भव्य रांगोळीचे शीर्षक “श्यामालहरी” असे ठेवले आहे. ह्या रांगोळी साकार करण्यासाठी त्यांना 48 तास लागले. ह्या रांगोळी मध्ये त्यांनी केलेल्या सर्व रांगोळी कलेचा आजवरचा अनुभव घेऊन, ही रांगोळी साकारली आहे. प्रमोद आर्वी अभिमानाने सांगतात की रांगोळी कला ही महाराष्ट्राची संस्कृती आहे. रांगोळी मध्ये अनेक सामाजिक, राजकीय व समाज प्रबोधन विषय मांडता येतात.आज रांगोळी कलेने मोठे शिखर गाठले आहे.या रांगोळी कलेला साकारण्यासाठी आपल्या सर्वांचे शुभ आशीर्वाद आणि हार्दिक शुभेच्छा पाठीशी आहेत, म्हणूनच आजपर्यंत रांगोळी कला क्षेत्रात कार्य करू शकलो.असे मनोगत त्यांनी व्यक्त केले.
Subscribe
