कोल्हापुरातील ४३ बंधारे पाण्याखाली, राधानगरी धरणातून ८४१ क्युसेक विसर्ग

उदयराज वाडमकर

कोल्हापूर जिल्ह्यातील राधानगरी धरणात 65.79 दलघमी पाणीसाठा आहे. आज सकाळी 7 वाजल्याच्या अहवालानुसार राधानगरी धरणाच्या सिंचन विमोचकातून 841 क्युसेक पाण्याचा विसर्ग सुरू आहे.

पंचगंगा नदीवरील- शिंगणापूर, राजाराम, सुर्वे, रुई, इचलकरंजी, शिरोळ व तेरवाड, भोगावती नदीवरील राशिवडे व हळदी,  तुळशी नदीवरील घुंगुरवाडी, बाचणी, आरे व बीड, दुधगंगा नदीवरील सुळकूड व बाचणी, कासारी नदीवरील यवलूज, कुंभी नदीवरील सांगशी, मांडूकली, शेणवडे व कळे, वारणा नदीवरील चिंचोली व माणगाव, घटप्रभा नदीवरील कानडेसावर्डे, पिळणी, बिजूरभोगोली, अडकूर, कानडेवाडी व तारेवाडी,  हिरण्यकेशी नदीवरील साळगाव, ऐनापूर, निलजी, गिजवणे, खाणदळ, जरळी व दाबीळ तर वेदगंगा नदीवरील निळपण, वाघापूर, गारगोटी, म्हसवे, कुरणी, बस्तवडे, सुरूपली व चिखली असे एकूण 43 बंधारे पाण्याखाली आहेत. नजिकच्या कोयना धरणात 31.67 टीएमसी तर अल्लमट्टी धरणात 25.070 इतका पाणीसाठा आहे.

कोल्हापूर जिल्ह्यातील धरणांमध्ये पुढीलप्रमाणे पाणीसाठा

तुळशी 48.84 दलघमी, वारणा 428.20 दलघमी, दूधगंगा 232.45 दलघमी, कासारी 25.74 दलघमी, कडवी 27.39 दलघमी, कुंभी 33.06 दलघमी, पाटगाव 47.34 दलघमी, चिकोत्रा 19.27 दलघमी, चित्री 23.99 दलघमी, जंगमहट्टी 9.95 दलघमी, घटप्रभा  44.17 दलघमी, जांबरे 19.08 दलघमी, आंबेआहोळ 2.61, कोदे (ल.पा) 2.50 दलघमी असा आहे.

बंधाऱ्यांची पाणी पातळी पुढीलप्रमाणे 

राजाराम 24 फूट, सुर्वे 21.9 फूट, रुई 49 फूट, इचलकरंजी 47.6, तेरवाड 39.9 फूट, शिरोळ 31 फूट, नृसिंहवाडी 24.6 फूट, राजापूर 14.6 फूट तर नजीकच्या सांगली 7 फूट व अंकली 7.3  फूट अशी आहे.

कोल्हापूर जिल्ह्यात गगनबावडा येथे काल 182.7 मिमी पाऊस

कोल्हापूर जिल्ह्यात काल दिवसभरात गगनबावडा तालुक्यात सर्वाधिक 182.7 मिमी पाऊस पडल्याची नोंद झाली आहे. कोल्हापूर जिल्ह्यात आज सकाळी 8 वाजेपर्यंतच्या 24 तासात पडलेल्या एकूण पावसाची तालुका निहाय आकडेवारी मिमीमध्ये पुढीलप्रमाणे आहे.

हातकणंगले- 89.5 मिमी, शिरोळ- 73.2 मिमी, पन्हाळा- 115.1 मिमी, शाहूवाडी- 127.3 मिमी, राधानगरी- 119.2 मिमी, गगनबावडा-182.7 मिमी, करवीर- 97 मिमी, कागल- 110.1 मिमी, गडहिंग्लज- 100.7, भुदरगड- 97, आजरा- 85.7 मिमी, चंदगड- 113.1  मिमी पाऊस पडल्याची नोंद आहे.