मुक्तपीठ टीम
येत्या मुंबई मनपाच्या निवडणुकीसाठी राज्य निवडणूक आयोगाने आज आरक्षण सोडत जाहीर केली आहे. मुंबईतील रंगशारदा सभागृहात हा कार्यक्रम पार पडला. नव्या वॉर्ड रचनेनुसार आणि वाढलेल्या वॉर्डासह आज मुंबई मनपाच्या २३६ वॉर्डाचे ओबीसी आरक्षणाशिवाय आरक्षण सोडत काढण्यात आली असून यापैकी ११८ वॉर्ड हे महिलांसाठी आरक्षित तर त्यामध्ये ८ वॉर्ड हे अनुसूचित जातीसाठी, ०१ वॉर्ड अनुसूचित जमातीसाठी तर १०९ वॉर्ड हे सर्वसाधारण म्हणून जाहीर करण्यात आले आहेत.
या आरक्षण सोडतीत अनेकांना धक्का!!
- या आरक्षण सोडतीमध्ये काही नगरसेवकांना धक्का बसला आहे.
- तर काही नगरसेवकांना दिलासा मिळाला आहे.
- बेस्टचे माजी अध्यक्ष आशिष चेंबुरकर यांचं प्रभाग अनुसूचित जातीसाठी राखीव झाला आहे.
- तर माजी महापौर किशोरी पेडणेकर यांना आरक्षण सोडतीत दिलासा मिळाला आहे.
- त्यांचा प्रभाग क्रमांक २०६ हा सर्वसाधारण झाला आहे.
- माजी स्थायी समिती अध्यक्ष यशवंत जाधव यांचा ११७ क्रमांकाचा प्रभाग सर्वसाधारण महिलेसाठी आरक्षित झाला आहे.
- त्यामुळे यशवंत जाधव यांच्यासाठी हा धक्का असल्याचे मानले जात आहे.
- माजी महापौर विश्वनाथ महाडेश्वर यांचा ९६ प्रभागदेखील सर्वसाधारण महिला म्हणून आरक्षित झाला आहे.
अनुसूचित जाती महिलांसाठी राखीव प्रभाग- ८५, १०७, ११९, १३९, १६५, १९०, १९५, २०४
अनुसूचित जातीसाठी राखीव प्रभाग- ६०, १५३, १५७, १६२, २०८, २१५, २२१
अनुसूचित जमातीसाठी राखीव प्रभाग- ५५
अनुसूचित जमाती महिलासाठी राखीव प्रभाग– १२४
तपासा तुमचा वॉर्ड राखीव की मोकळा…
Subscribe
