महाराष्ट्र लोकसेवा आयोगाच्या अध्यक्षपदी किशोर दत्तात्रय राजे निंबाळकर

मुक्तपीठ टीम

महाराष्ट्र लोकसेवा आयोगाच्या अध्यक्षपदी किशोर दत्तात्रय राजे-निंबाळकर यांची नियुक्ती करण्यात आली आहे. राज्याचे मुख्य सचिव सीताराम कुंटे यांनी निंबाळकर यांच्या नियुक्तीची माहिती पत्रकाच्या माध्यमातून दिली आहे. ही नियुक्ती निंबाळकर यांनी पदाचा कार्यभार स्वीकारल्याच्या दिनांकापासून ६ वर्षासाठी किंवा वयाची ६२ वर्षे वय होईपर्यंत यापैकी जे अगोदर घडेल त्या कालावधीसाठी राहील.

महाराष्ट्र लोकसेवा आयोगाच्या अध्यक्षपदी श्री. किशोर दत्तात्रय राजे-निंबाळकर, भाप्रसे (निवृत्त) यांची शासनाकडून नियुक्ती करण्यात आली असून नवनियुक्त मा. अध्यक्षांनी आज दिनांक 26 नोव्हेंबर, 2021 रोजी पदभार स्वीकारला आहे. pic.twitter.com/jNJ9PAj9Nv

— Maharashtra Public Service Commission (@mpsc_office) November 26, 2021

निंबाळकर हे प्रशासकीय सेवेतील निवृत्त अधिकारी

गेल्या अनेक दिवसांपासून एमपीएसी आयोगाचा पूर्ववेळ अध्यक्ष नव्हता.
आयोगावर पूर्णेवेळ अध्यक्ष देण्याची मागणी मागील अनेक दिवसांपासून केली जात होती.
त्यानंतर आता राज्य सरकारने हा महत्त्वाचा निर्णय घेतलाय.
निंबाळकर यांचा कार्यकाळ यांनी पदाचा कार्यभार स्वीकारल्याच्या दिनांकापासून ६ वर्षासाठी किंवा वयाची ६२ वर्षे पूर्ण होईपर्यंत किंवा यापैकी जे अगोदर घडेल त्या कालावधीसाठी राहील.
अधिसूचनेत तसे नमूद करण्यात आले आहे.
किशोर दत्तात्रय राजे-निंबाळकर हे भारतीय प्रशासकीय सेवेतील निवृत्त अधिकारी आहेत.

निंबाळकर हे पुर्णवेळ अध्यक्ष

दरम्यान, याआधी सतीश गवई हे आोयाचे पूर्णवेळ अध्यक्ष होते.
ते ऑगस्टमध्ये निवृत्त झाले.
त्यांतर नंतर हे पद दयानंद मेश्नाम यांच्याकडे देण्यात आलं.
ते निवृत्त झाल्यानंतर आता पुर्णवेळ अध्यक्ष म्हणून किशोर राजे निंबाळकर यांची निवड करण्यात आली आहे.
सध्या आयोगात एक अध्यक्ष आणि तीन सदस्य आहेत.