किरीट सोमय्यांचे पुन्हा ठाकरेंकडे बोट! मनी लाँड्रिंगचे आरोप!! हवाला किंगला लपवल्याचा आरोप!!!

मुक्तपीठ टीम

भाजपा नेते किरीट सोमय्या यांनी आपण ठाकरे सरकारचा आणखी एक घोटाळा बाहेर काढणार असल्याचे सांगितले होते. त्यानुसार सोमय्या यांनी शुक्रवारी पत्रकार परिषद घेत मुख्यमंत्री उद्धव ठाकरे यांच्या कुटुंबियांशीसंबंधित एका कंपनीत मनी लाँड्रिंग झाल्याचा गंभीर आरोप केला आहे. आदित्य ठाकरे, तेजस ठाकरे, श्रीधर पाटणकर यांच्याशी चतुर्वेदीचे व्यवहार समोर आले आहेत. हवाला किंग नंदकिशोर चतुर्वेदीला कुठं लपवलं आहे हे मुख्यमंत्र्यांनी सांगावे, तसेच ठाकरे परिवाराशी संबंध असलेल्या चतुर्वेदीला फरार घोषित करा, असे किरीट सोमय्या यांनी म्हटलं आहे.

उद्धव ठाकरेंचा या कंपनीशी काय संबंध? हे जाहीर करावे…

• श्रीधर पाटणकर हे श्री जी होम्स या कंपनीत भागीदार आहेत.
• या कंपनीकडून मुंबईतील शिवाजी पार्क येथे एक इमारत उभारण्यात आली आहे.
• कोट्यवधींची मालमत्ता असलेल्या या इमारतीच्या बांधकाम प्रकल्पासाठी श्रीधर पाटणकर यांचा काळा पैसा वापरण्यात आला.
• या प्रकल्पातील २९ कोटी ६२ लाख २९ हजार ३२० रुपये हे आर्थिक गैरव्यवहाराच्या माध्यमातून कंपनीत आले आहेत.
• त्यासाठी श्रीधर पाटणकर यांनी हवाला ऑपरेटर नंदकिशोर चतुर्वेदी याची मदत घेतली होती.
• त्यामुळे आता मुख्यमंत्री उद्धव ठाकरे यांनी श्री जी होम्स या कंपनीशी आपला काय संबंध आहे, हे जाहीर करावे, अशी मागणी किरीट सोमय्या यांनी केली.

नंदकिशोर चतुर्वेदी याला फरार म्हणून घोषित करावे!

• केंद्रीय तपास यंत्रणा अनेक दिवसांपासून नंदकिशोर चतुर्वेदीला शोधत आहेत.
• मात्र, तो सापडत नाही.
• त्यामुळे उद्धव ठाकरे यांनी नंदकिशोर चतुर्वेदीचा पत्ता सांगावा.
• अन्यथा ईडी आणि कंपनी मंत्रालयाने नंदकिशोर चतुर्वेदी याला फरार म्हणून घोषित करावे.
• या नंदकिशोर चतुर्वेदी याने आदित्य ठाकरे, तेजस ठाकरे आणि श्रीधर पाटणकर यांना आपल्या १२ बनावट कंपन्यांचा आर्थिक गैरव्यवहारासाठी वापर करून दिला.
• मी काही दिवसांपूर्वीच नंदकिशोर चतुर्वेदी आणि आदित्य ठाकरे यांच्यात तीन कंपन्यांच्या माध्यमातून झालेल्या आर्थिक व्यवहाराचे पुरावे सादर केले होते.
• मात्र, त्यानंतरही उद्धव ठाकरे यांनी या सगळ्याविषयी अद्यापपर्यंत एकही शब्द उच्चारलेला नाही

ते प्रवीण कलमे कुठे आहेत?

• जितेंद्र आव्हाड यांचे वाझे असलेल्या प्रवीण कलमे यांनी माझ्या विरोधात आरोप केले.
• ते प्रवीण कलमे कुठे आहेत, याची माहिती जितेंद्र आव्हाड देणार का?
• कलमे भारतात आहेत की विदेशात.
• त्यांनी म्हटलं की, कलमे यांनी सरकारी फाईलमधून कागद चोरले आहेत.
• सरकार कारवाई का कारवाई करत नाही.
• कलमे यांना जितेंद्र आव्हाड यांनी मदत केली?
• अनिल परब यांनी मदत केली की उद्धव ठाकरे यांनी मदत केली?
• प्रवीण कलमे यांना फरार घोषित केलं जावं.

#मुक्तपीठ #Live

किरीट सोमय्यांचे पुन्हा ठाकरेंकडे बोट! मनी लाँड्रिंगचे आरोप!!