मुक्तपीठ टीम
महाराष्ट्रातील अनेक भागांमध्ये चक्रीवादळामुळे मोठे नुकसान झाल्याचे पाहायला मिळत आहे. त्यातही कोकणात जास्तच नुकसान झाले आहे. तौक्ते वादळामुळे झालेल्या नुकसानीचा आढावा घेण्यासाठी मुख्यमंत्र्याचा दौरा हा फक्त चार तासांचा होता, यामुळे भाजपा नेत्यांनी मुख्यमंत्री उद्धव ठाकरेंवर टीका सुरु आहे. भाजपाचे मुख्य प्रवक्ते केशव उपाध्ये यांनीही ट्वीटद्वारे मुख्यमंत्री उद्धव ठाकरेंना टोला लगावला आहे, त्यांनी “कोकणाच्या तोंडाला पाने पुसलेली पाहून बाळासाहेबांना काय वाटलं असतं?” असा प्रश्न विचारला आहे.
केशव उपाध्येंची ठाकरे सरकारवर ट्वी’टीका’
बाळासाहेबांना काय वाटलं असतं?
“कोकणाच्या विकासासाठी राज्य सरकारचे कान पिळेन अशी जाहीर ग्वाही शिवसेनाप्रमुख #बाळासाहेब_ठाकरे यांनी मनोहर जोशी मुख्यमंत्री असताना दिली होती. त्याच कोकणात आज त्यांच्या सुपुत्राने संकटग्रस्त कोकणवासीयांच्या तोंडाला पाने पुसली. आज बाळासाहेब असते, तर कोकणाची दुर्दशा पाहून त्यांना काय वाटले असते?”
शिवसेनेने कोकणाला वाऱ्यावर सोडले?
“ज्या शिवसेनेला कोकणाने भरभरून बळ दिलं, त्या शिवसेनेने कोकणाला वाऱ्यावर सोडून दिले. शिवसेनेच्या पाठीशी खंबीरपणे उभे राहणाऱ्या कोकणाच्या कोकणवासीयांची निराशा उद्धव ठाकरे सरकारने केली. गेल्या वर्षी #निसर्ग वादळानंतर मुख्यमंत्र्यांनी कार्पेटवर उभे राहून दुरूनच पाहणीचे नाटक केले होते. त्या वेळी झालेल्या नुकसानीची भरपाई अजून मिळालेली नाही, आणि मुख्यमंत्र्यांना याचा पत्ताच नाही.”
कोकणाची आता नव्याने थट्टा!
“आता मुख्यमंत्री आताच्या संकटाचे पंचनामे दोन दिवसात पूर्ण करून नुकसानभरपाई देण्याची खोटी आश्वासने देत आहेत. गेल्या वर्षी भरडलेल्या कोकणची पुन्हा नवी थट्टा करणाऱ्या मुख्यमंत्र्यांना कोकणी जनताच प्रश्न विचारेल, हे नक्की.”
कोकणाच्या विकासासाठी राज्य सरकारचे कान पिळेन अशी जाहीर ग्वाही शिवसेनाप्रमुख #बाळासाहेब_ठाकरे यांनी मनोहर जोशी मुख्यमंत्री असताना दिली होती. त्याच कोकणात आज त्यांच्या सुपुत्राने संकटग्रस्त कोकणवासीयांच्या तोंडाला पाने पुसली. आज बाळासाहेब असते, तर कोकणाची दुर्दशा…२
— Keshav Upadhye (@keshavupadhye) May 23, 2021
Subscribe
