मुक्तपीठ टीम
केदारनाथमध्ये एक मोठी दुर्घटना घडली आहे. गरूडचट्टी याठिकाणी हेलिकॉप्टर कोसळले आहे. हेलिकॉप्टरमधील ८ पैकी ७ जणांचा जागीच मृत्यू झल्याची माहिती मिळाली आहे. एका खासगी कंपनीचे हे हेलिकॉप्टर होते. घटनास्थळी पोलीस आणि बचाव पथक पोहोचले असून मदतकार्य सुरू आहे.
उत्तराखंडमधील केदारनाथमध्ये खराब हवामानामुळे हेलिकॉप्टर कोसळण्याची माहिती समोर येत आहे. केदारनाथपासून २ किमी अंतरावर हेलिकॉप्टर कोसळले. वातावरणात गारवा असून सर्वत्र दाट धुके पसरले आहे. त्यामुळे हेलिकॉप्टरचा अपघात झाला. घटनास्थळी बचावकार्याला सुरुवात करण्यात आली असून पथकं रवाना करण्यात आली आहेत.
या घटनेचा एक व्हिडीओही व्हायरल झाला आहे. यामध्ये हेलिकॉप्टर कोसळताच त्या आग लागलेली दिसत आहे.
Subscribe
