मुक्तपीठ टीम
सोनी टीव्हीचा सुप्रसिद्ध रिअॅलिटी शो ‘कौन बनेगा करोडपती’च्या १३ व्या सीझनविषयी चर्चा रंगली आहे. निर्मात्यांनी या शोसाठी तयारी सुरू केली आहे. या शोच्या पुढील सीझनमध्ये नेहमीप्रमाणे महान अभिनेता अमिताभ बच्चन हे होस्ट करणार आहेत.
लॉकडाऊनमध्ये सप्टेंबरच्या उत्तरार्धात म्हणजेच दोन महिने उशिरा हा शो सुरू झाला होता. या वेळी शोच्या या हंगामाच्या प्रीमियरला कोणत्याही कारणास्तव उशीर होऊ नये, असे निर्मात्यांना वाटत नाही. हा शो नेहमीप्रमाणेच सुपरस्टार अमिताभ बच्चन आयोजित करणार आहेत. या शोचे दिग्दर्शक नितेश तिवारी यांनी या शोच्या जाहीरातीवर काम करण्यास सुरवात केली आहे.
मिळालेल्या माहितीनुसार, पुढील महिन्यापासून अमिताभ बच्चन आणि सोनी टीव्ही चॅनेल त्यांच्या अधिकृत सोशल मीडिया अकाउंटवर शोसाठी नोंदणीची घोषणा करू शकतात. केबीसीच्या १२ व्या सीझनच्या तुलनेत या सीझनमध्ये थोडा बदल दिसून येईल. कोरोना असल्याने या शोमध्ये प्रेक्षक येणार नाहीत, त्याऐवजी व्हिडीओ पोल फ्रेंड लाईफलाईन म्हणून वापरला जाईल. तसेच, १५ प्रश्नांची उत्तरे योग्य दिल्यास स्पर्धक ७ कोटी रुपये जिंकू शकतात. केबीसीचा १२ वा सीझन जबरदस्त हिट ठरला. या सीझनमधील शेवटचा एपिसोड कर्मवीर स्पेशल होता, ज्यात कारगील वॉर २ नाईट्स शूरवीर नायक सुभेदार मेजर योगेंद्र यादव आणि सुभेदार संजय सिंह उपस्थित होते.
या शोची सुरुवात २० वर्षांपूर्वी २००० मध्ये झाली होती. शोचा तिसरा सीझन शाहरुख खानने होस्ट केला होता. याशिवाय उर्वरित सर्व सीझन अमिताभ बच्चन यांनी आयोजित केले आहेत.
Subscribe
