भारतीय डाक विभागात महाराष्ट्र सर्कलमध्ये स्पोर्ट्स कोट्यातील उमेदवारांना नोकरीची संधी

मुक्तपीठ टीम

भारतीय डाक विभागात महाराष्ट्र सर्कलमध्ये स्पोर्ट्स कोट्यातील उमेदवारांना पोस्टल असिस्टंट या पदासाठी ९३ जागा, सॉर्टिंग असिस्टंट या पदासाठी ९ जागा, पोस्टमन या पदासाठी ११३ जागा, मेलगार्ड या पदासाठी २३ जागा, मल्टी टास्किंग स्टाफ या पदासाठी ४२ जागा अशा एकूण २५७ जागांसाठी ही भरती आहे. पात्र आणि इच्छुक उमेदवार, २७ नोव्हेंबर २०२१ पर्यंत अर्ज करु शकतात.

शैक्षणिक पात्रता

अर्ज करणारा उमेदवार, १) पद क्र.१ ते ४ -१) १२वी उत्तीर्ण २) मूलभूत संगणक प्रशिक्षणाचे प्रमाणपत्र
२) पद क्र.५- १) १०वी उत्तीर्ण २) मूलभूत संगणक प्रशिक्षणाचे प्रमाणपत्र असणे आवश्यक आहे.

वयोमर्यादा

पद क्रमांक १ ते ४ साठी अर्ज करणाऱ्या उमेदवारांचे वय १८ ते २७ वर्षांपर्यंत असावे तर, पद क्रमांक ५ साठी अर्ज करणाऱ्या उमेदवाराचे वय १८ ते २५ वर्षांपर्यंत असणे आवश्यक आहे.

शुल्क

या पदासाठी अर्ज करणाऱ्या जनरल/ ओबीसी उमेदवारांकडून २०० रूपये शुल्क आकारले जाणार तर, इतर कोणत्याही वर्गातील उमेदवारांकडून शुल्क आकारले जाणार नाही.

अधिक माहितीसाठी भारतीय डाकच्या अधिकृत वेबसाइट https://www.indiapost.gov.in/vas/Pages/IndiaPostHome.aspx  वरून माहिती मिळवू शकता.