मुक्तपीठ टीम
पंचतारांकित हॉटेलसारखा परिसर. त्यात एक पांढऱ्या शुभ्र कपड्यांमधील व्यक्ती. काहींशी त्याचा वाद. त्यांच्याशी भांडण. काहींचा तो जमाव त्या व्यक्तीवर तुटून पडतो. चोपतोच. त्याचे कपडे, त्याचे दिसणे, त्याची कार सारं आलिशान. व्हायरल व्हिडीओमधील दृश्यांचं हे वर्णन. व्हिडीओसोबत हा व्हिडीओ अभिनेता अजय देवगणचा असल्याचा दावा. त्यालाच मारहाण झाल्याची माहिती. पण नेमकं काय घडलं? आता ते स्पष्ट झाले आहे.
अफवांना सोशल मीडियावर व्हायरल होण्यास वेळ लागत नाही. सिंघम स्टार अजय देवगणच्या बाबतीतही असेच काहीसे घडले, जेव्हा त्याच्या नावाचा एक व्हिडिओ सोशल मीडियावर मोठ्या प्रमाणात व्हायरल झाला होता, ज्यामध्ये असा दावा केला जात आहे की, अभिनेत्याला दिल्लीच्या पबच्या बाहेर मारहाण केली गेली. जेव्हा या प्रकरणाची मोठ्या प्रमाणात चर्चा सुरू झाली तेव्हा स्वत: अजय देवगण यांना स्पष्टीकरण द्यावे लागले.
काय आहे संपूर्ण प्रकरण
हा व्हिडिओ दिल्लीतील एका पबच्या बाहेरचा होता, तेथे दोन्ही बाजूंनी मारहाण होताना दिसत आहे. या व्हिडिओचे वर्णन सोशल मीडिया वापरकर्त्यांनी अजय देवगण म्हणून केले होते आणि हा व्हिडिओ पाहताच व्हायरल झाला. हा व्हिडिओ शेअर करताना सोशल मीडिया वापरकर्त्यांनी असा दावा केला आहे की, दिल्लीतील एका पबच्या बाहेर अजय देवगण यांना मारहाण करण्यात आली.
View this post on Instagram
अजय देवगण यांचे ट्विट
जेव्हा हा व्हिडिओ व्हायरल झाला तेव्हा अजय देवगण यांनी ट्वीट केले की असे दिसते की माझ्यासारखा दिसणारा कोणीतरी अडचणीत आला आहे. मला यासंबंधित कॉल येत आहेत. फक्त स्पष्टीकरण देत आहे- मी कुठेही प्रवास केलेला नाही. माझ्या कोणत्याही वादाच्या सर्व बातम्या निराधार आहेत, होळीच्या शुभेच्छा. ‘
Some ‘doppelgänger’ of mine seems to have got into trouble.
I’ve been getting concerned calls. Just clarifying, I’ve not traveled anywhere. All reports regarding me being in any brawl are baseless. Happy Holi— Ajay Devgn (@ajaydevgn) March 29, 2021
अजय देवगण यांच्या टीमनेही दिले स्पष्टीकरण
या संपूर्ण प्रकरणावरून अजय देवगनच्या टीमकडून स्पष्टीकरणही देण्यात आले आहे. अजय देवगनच्या टीमने असे म्हटले होते की, ‘गेल्या वर्षी रिलीज झालेल्या तानाजी – द अनसंग वॉरियरच्या प्रमोशनसाठी अजय देवगन २०२० मध्ये दिल्लीला गेले होते. त्यानंतर ते दिल्लीला गेलेले नाही. सोशल मीडियावर जो व्हिडीओ सतत व्हायरल होत आहे, त्यात अजय देवगण नाही आहेत.आम्ही सर्व वृत्त एजन्सी आणि मीडिया हाऊसला ही गोष्ट दुरुस्त करण्यासाठी आणि लोकांना चांगली बातमी सांगण्यासाठी प्रार्थना करतो. लॉकडाऊन उघडल्यापासून अजय देवगण मैदान, मेडे आणि गंगूबाई काठियावाडी शूटिंगसाठी मुंबईमध्ये आहेत.
व्हीडीओ जरी खरा असला तरी मार खाणारी व्यक्ती अजय देवगण नाही. त्यामुळे खूपच धुर्तपणे शेतकरी आंदोलन, अजय देवगण यांच्याशी असलेले साधर्म्य यांचा वापर करत त्यांना बदनाम करण्याचा प्रयत्न दिसत आहे.
Subscribe
