आधी पैसे न देता रेल्वे तिकीट बुक करता येणारी ‘ट्रॅव्हल नाऊ पे लेटर’ सुविधा उपलब्ध!

मुक्तपीठ टीम

आयआरसीटीसी ही आपल्या नवनवीन सेवा-सुविधांनी सज्ज असते. ती त्यांच्या नवीन योजनांसाठी नेहमीच ओळखली जाते. आयआरसीटीसी रेल्वे प्रवाशांना दिलासा देत ‘ट्रॅव्हल नाऊ पे लेटर’ सुविधा आता सुरू करत आहे. या सुविधेमुळे रेल्वे प्रवासी कोणतेही पैसे न भरता रेल्वे तिकीट बुक करू शकतील. बुकिंगच्या वेळी प्रवाशांना कोणतीही रक्कम भरावी लागणार नाही. एवढेच नाही तर प्रवाशांना त्यांच्या सोयीनुसार तिकीटाचे पैसे भरण्याची सूट मिळणार आहे.

‘ट्रॅव्हल नाऊ पे लेटर’ सुविधा काय आहे?

• आयआरसीटीसी यात्रा अॅप ९० दशलक्षाहून अधिक लोकांनी डाउनलोड केले आहेत आणि त्यावर दररोज १५ लाखांहून अधिक तिकिटे बुक केली जाऊ शकतात.
• ‘Travel Now Pay Later’ नावाची ही सुविधा CASHe नावाच्या पेमेंट अॅपच्या सहकार्याने सुरू करण्यात आली आहे.
• प्रवाशांना हवे असल्यास ते ईएमआयद्वारे तिकिटाची किंमत देखील देऊ शकतात.
• हा पर्याय आयआरसीटीसी ट्रॅव्हल अॅपच्या चेकआउट पेजवर उपलब्ध असेल.

डिजिटल कर्ज देणार्‍या अॅप कॅशेने आईआरसीटीसी रेल कनेक्टवर ‘Travel Now Pay Later’ पेमेंट पर्याय ऑफर करण्यासाठी इंडियन रेल्वे केटरिंग अँड टुरिझम कॉर्पोरेशनसोबत भागीदारी केली आहे. या सुविधेमुळे रेल्वे प्रवाशांना ईएमआयद्वारे पैसे देणे शक्य होईल. प्रवासी तीन ते सहा महिन्यांसाठी ईएमआय आणि रोख पेमेंट पर्यायांसह आयआरसीटीसी अॅपवर रेल्वे तिकीट बुक करू शकतात.

ज्या प्रवाशांनी आरक्षित आणि तत्काळ तिकिटे बुक केली आहेत त्यांच्यासाठी ईएमआय पेमेंट पर्याय आयआरसीटीसी यात्रा अॅपच्या चेकआउट पेजवर उपलब्ध असेल.

प्रवाशांना ‘ही’ सुविधा कशी मिळेल?

• या सुविधेचा लाभ घेण्यासाठी प्रवाशाला फक्त अर्ज करणे आवश्यक आहे.
• हे प्रवाशाच्या CIBIL स्कोअर आणि मोबाइल डेटाचे मूल्यांकन करते आणि ज्यांना क्रेडिट दिले जाऊ शकते त्यांची ओळख पटवते.
• ज्या प्रवाशाचे CIBIL रेकॉर्ड चांगले आहे त्यांना ‘पे लेटर’ ची सुविधा लवकर मिळू शकते.