आयपीएल सामने सध्या स्थगित, पण ठरलं तर उरलेले कुठे होणार?

मुक्तपीठ टीम

देशातील कोरोनाची दुसरी लाट त्सुनामी बनत जात असल्याने तिच्या तडाख्यात आता आयपीएल स्पर्धा आली आहे. काही दिवसांपासून आयपीएलच्या खेळाडूंना कोरोनाची लागत होत असल्याचे निदर्शनास येत आहे. त्यामुळेच खेळाडूंचे आरोग्याला प्राधान्य देत आयपीएलचे पुढील सर्व सामने स्थगित करण्यात आल्याची माहिती बीसीसीआयचे उपाध्यक्ष राजीव शुक्ला यांनी दिली आहे. तसेच या बातमीला आता बीसीसीआयनेही दुजारा देत पुढील सामने स्थगित केल्याचे जाहीर केले आहे. मात्र, त्याचवेळी बीसीसीआयच्या निवेदनात “आयपीएलची उर्वरित स्पर्धा घेता येईल का, कुठे व कशी घेता येईल याची चाचपणी केली जाईल.” असे म्हटले असल्याने ते मुंबईसारखे कोरोना कमालीचा कमी होत असलेले देशांतर्गत ठिकाण असेल की गेल्या हंगामाप्रमाणे देशाबाहेर, याची चर्चा रंगली आहे.

बीसीसीआयने का घेतला हा निर्णय?

• कोरोनाच्या वाढत्या प्रादुर्भावात गेल्या २ दिवसात तीन संघातील ४ खेळाडू, १ कोच आणि २ अन्य कर्मचारी बाधित झाले आहेत.
• वरुण चक्रवर्ती आणि संदीप वॉरियर या खेळाडूंची कोरोना चाचणी पॉझिटिव्ह आली होती.
• त्याचवेळी सीएसकेचे बॉलिंग कोच लक्ष्मीपती बालाजी आणि अन्य दोन कर्मचारी बांधित झाले होते.
• तर आज सनरायझर्स हैदराबादचा वृद्धिमान शहा आणि दिल्ली कॅपिटल्सचे अमित मिश्रा कोरोना संसर्गित असल्याचे निष्पन्न झाले आहे.
• यासर्व घटनांचा विचार करुन बीसीसीआयने आयपीएलचे पुढील सामने स्थगित करण्याचा महत्त्वपूर्ण निर्णय घेतला आहे.

UPDATE: The Indian Premier League Governing Council (IPL GC) and Board of Control for Cricket in India (BCCI) in an emergency meeting has unanimously decided to postpone IPL 2021 season with immediate effect.

Details – https://t.co/OgYXPj9FQy pic.twitter.com/lYmjBId8gL

— IndianPremierLeague (@IPL) May 4, 2021

बीसीसीआयला मोठा आर्थिक फटका

बीसीसीआयकडून आयपीएल स्पर्धा तात्पूर्ती स्थगित करण्यात आली आहे. पण कोरोनाची परिस्थिती अशीच कायम राहिली तर पूर्णत: ही स्पर्धा रद्द होऊ शकते. पण जर स्पर्धा रद्द झाल्यास बोर्डला तब्बल २००० कोटी रुपयांच्या आर्थिक नुकसानाला सामोरे जावे लागेल. तसेच याचा परिणाम भारतात होणाऱ्या टी-२० विश्वचषकावरही होईल. यामुळेही बीसीसीआयला मोठा फटका बसू शकतो.

बीसीसीआयच्या निवेदनात काय?

“आयपीएलच्या आयोजनामुळे लोकांच्या मनात उत्साहन आणि सकारात्मकता आणण्याचा पूर्ण प्रयत्न केला. पण सध्याच्या परिस्थितीत आयपीएल स्थगित करण्याचा निर्णय घेतला आहे, पूर्ण रद्द केलेली नाही. काही दिवसांनंतर सर्व संबंधितांशी चर्चा करून, उर्वरित स्पर्धा घेता येईल का, कुठे व कशी घेता येईल याची चाचपणी केली जाईल,” असे बीसीसीआयने जारी केलेल्या आपल्या निवेदनात म्हटले आहे.

आयपीएलचे पुढील सर्व सामने मुंबईत?..लवकरच होऊ शकते अधिकृत घोषणा

आयपीएलचे पुढील सर्व सामने मुंबईत?