मुक्तपीठ टीम
अमेरिकेतील वाढत्या महागाईमुळे कंपन्यांनी मोठ्या संख्येने कर्मचारी कपातीचा निर्णय घेतला आहे. अमेरिकेच्या या पाउलामुळे सर्वाधिक फटका भारतीयांना बसला आहे. तात्पुरत्या व्हिसावर अमेरिकेत राहणाऱ्या कामगारांना दुसरी नोकरी शोधण्यासाठी फारच कमी वेळ शिल्लक आहे. अशा लोकांना लवकरच नवीन नोकरी मिळाली नाही तर त्यांना अमेरिका सोडावी लागेल. अशाप्रकारे, या लॉकडाऊनचा सर्वाधिक फटका भारतीयांना बसला आहे जे अमेरिकेत ग्रीन कार्डसाठी १९५ वर्षांच्या प्रदीर्घ प्रतीक्षेत अनेक वर्षांपासून अमेरिकेत राहत आहेत.
H-1B व्हिसा धारक कायदेशीररित्या अमेरिकेमध्ये केवळ दोन महिन्यांसाठी बेरोजगार राहू शकतात, तर अनेक व्हिसाधारक कायमस्वरूपी नागरिकत्वाच्या प्रतीक्षेत अनेक वर्षांपासून अमेरिकेमध्ये राहत आहेत. आता त्यांच्या आशा पल्लवीत होताना दिसत आहेत कारण त्यांना नवी नोकरी शोधावी लागणार आहे. जर त्यांना दोन महिन्यांत नोकरी मिळाली नाही तर त्यांना अमेरिकेत राहता येणार नाही. काही भारतीय कर्जबाजारी आहेत, तर काहींवर विद्यार्थी कर्ज आहे आणि काहींची मुले शाळेत आहेत.
हे अशा वेळी घडले आहे जेव्हा मोठ्या नोकरदार कंपन्यांनी नवीन कर्मचारी भरती करणे बंद केले आहे आणि सध्या अमेरिकेत ख्रिसमसमुळे सुट्टीचा हंगाम सुरू आहे. येथे नवीन भरती देखील सुट्टीच्या काळात मंदावली आहे. नोकरी शोधणारे आता त्यांच्या व्यावसायिक नेटवर्ककडे वळत आहेत आणि काही लिंक्डइनकडे वळले आहेत.
Subscribe
