मुक्तपीठ टीम
सरकारी नोकरी असो किंवा खासगी नोकरी. आपल्या देशात कर्मचाऱ्यांना पगार मात्र मिळतो तो महिन्याच्या शेवटी किंवा सुरूवातीला. ज्या गोष्टीसाठी दिवस-रात्र मेहनत करतो त्याची महिनाभर वाट पाहावी लागते. पण आपल्या कर्मचाऱ्यांची सोय लक्षात घेऊन इंडिया मार्ट कंपनीने ‘वीकली सॅलरी पे पॉलिसी’ जाहीर केली आहे. इंडिया मार्ट ही बी२बी ई-कॉमर्स कंपनी आहे. तिच्या कर्मचाऱ्यांना आता पगारासाठी महिन्याच्या शेवटच्या दिवसाची वाट पाहावी लागणार नाही. कंपनीने आपल्या कर्मचाऱ्यांना दर आठवड्याला पगार देण्यासाठी नवीन वेतन धोरण जाहीर केले आहे.
कंपनीची फेसबुक पोस्टद्वारे घोषणा
फ्लेक्सिबल वर्क कल्चर निर्माण करण्यासाठी आणि कर्मचार्‍यांचे आर्थिक कल्याण सुनिश्चित करण्यासाठी साप्ताहिक वेतन देय धोरण स्वीकारणारी इंडिया मार्ट ही भारतातील पहिली संस्था बनली आहे. असे इंडिया मार्टने आपल्या फेसबुक पोस्टमध्ये नमूद केले आहे.
आपल्या कर्मचाऱ्यांच्या हिताची जाण ठेवत, इंडिया मार्टचा मोठा निर्णय
- साप्ताहिक पगार मिळाल्याने कर्मचाऱ्यांना त्यांच्या आर्थिक गरजा पूर्ण करण्यास मदत होईल, असे कंपनीचे म्हणणे आहे.
- कंपनीने या पोस्टसोबत एक फोटोही पोस्ट केला आहे. “तुमचे आर्थिक आरोग्य सुनिश्चित करण्यासाठी उचललेले पाऊल” असे त्या फोटोद्वारे सांगण्यात आले आहे.
- ही प्रणाली काही देशांमध्ये आधीच लागू करण्यात आली आहे.
- साप्ताहिक पगार पेमेंट कर्मचार्‍यांच्या निरोगीपणाला चालना देण्यासाठी एक पाऊल असल्याचे म्हटले जाते.
- या योजनेला तासांनुसार काम करणाऱ्यांसाठी उत्तम पर्याय मानला जातो. न्यूझीलंड, ऑस्ट्रेलिया, हाँगकाँग आणि अमेरिकेमध्ये हे आधीच सामान्य आहे.
- भारतात आतापर्यंतच्या सामान्य पद्धतीनुसार कर्मचाऱ्यांना महिन्याच्या शेवटी पगार मिळतो.
इंडिया मार्ट कोणता व्यवसाय करते?
- इंडिया मार्ट ही भारतातील सर्वात मोठ्या बी२बी ई-कॉमर्स कंपन्यांपैकी एक आहे.
- हे खरेदीदारांना विक्रेत्यांशी जोडण्यासाठी एक व्यासपीठ म्हणून काम करते.
- या कंपनीची सुरूवात १९९९ मध्ये झाली आणि व्यवसाय सोप्या पद्धतीने करणे हे या कंपनीचे ध्येय आहे.
- कंपनीच्या वेबसाइटवर उपलब्ध डेटानुसार, सध्या या प्लॅटफॉर्मवर १४३ दशलक्ष खरेदीदार अॅक्टिव्ह आहेत तर, ७० लाख सप्लायर अॅक्टिव्ह आहेत.
Subscribe
