मुक्तपीठ टीम
चीनमध्ये कोरोना रुग्णांमध्ये विक्रमी वाढ होत आहे. चीनमध्ये कोरोनाची परिस्थिती दिवसेंदिवस अधिक अनियंत्रित होत आहे. कडक निर्बंध असूनही गेल्या अनेक दिवसांपासून दररोज २० हजाराहून अधिक कोरोना रुग्ण सापडत आहेत. शांघाईत परिस्थिती आणखी चिंताजनक असल्यामुळे भारतीय दुतासाने कॉन्सुलर सेवा शांघाईमध्ये बंद करण्याचा निर्णय घेतला आहे. दरम्यान, चीनमध्ये गेल्या २४ तासांत कोरोनाचे २६ हजारांहून अधिक रुग्ण आढळले आहेत.
शांघाईमध्ये बंद केली कॉन्सुलर सेवा…
- शांघाईमध्ये कडक लॉकडाऊन असल्यामुळे तेथील परिस्थिती खूप बिकट झाली आहे.
- यादरम्यान भारतीय दूतावासाने सांगितले की, शांघाईमध्ये लॉकडाऊनमुळे भारताचे कॉन्सुलेट जनरलशी संपर्क होऊ शकत नाही आहे.
- कॉन्सुलेट जनरल शांघाईमध्ये व्यक्तिगत रुपात कॉन्सुलर सेवा देण्याच्या परिस्थितीत नाही आहे.
- त्यामुळे दूतावासाने भारतीयांसाठी गाईडलाईन जारी केली आहे.
शून्य कोरोना धोरणाचा बचाव केला!
- कोरोनाच्या वाढत्या प्रादुर्भावादरम्यान चीनच्या झिरो कोरोना धोरणावर टीका होत आहे.
- यावर मंगळवारी पत्रकारांना संबोधित करताना चीनचे परराष्ट्र मंत्र्यांचे प्रवक्ते म्हणाले की, चीनचे झिरो कोरोना धोरण हे महामारी विरोधी प्रोटोकॉल विज्ञान आणि तज्ज्ञांच्या मतांवर आधारित आहे.
- तसेच कोरोनासंदर्भात बनवलेले धोरण हे जागतिक आरोग्य संघटनेच्या सिद्धांतावर आधारित असते.
अमेरिकेने आपल्या कर्मचाऱ्यांना परत बोलावले…
- यापूर्वी अमेरिकेने शांघाईमध्ये आपल्या अत्यावश्यक नसलेल्या सरकारी कर्मचाऱ्यांना शहर सोडण्याचे आदेश दिले होते.
- अमेरिकेच्या परराष्ट्र मंत्रालयाने याबाबत सूचना दिल्या आहेत.
- परराष्ट्र मंत्रालयानुसार, यादरम्यान अमेरिकेचे आधिकारी वाणिज्य दूतावासात कामावर तैनात राहतील.
Subscribe
