मुक्तपीठ टीम
मध्य रेल्वेच्या एसी लोकलमध्ये दोन तिकिट तपासणीसांनी एका प्रवाशाचं हरवलेलं पाकीट त्याला परत केलं. त्या पाकीटात २५ हजार रुपये होते.
मध्य रेल्वेचे तिकीट तपासणीस गुंजन कुमार आणि वीरेंद्र कुमार गुप्ता डोंबिवलीहून ट्रेनमध्ये चढले होते. पाकीट हरवलेला प्रवासी अंकित सेठ सकाळी आठच्या सुमारास ठाकूर्ली येथे ट्रेनमध्ये चढला आणि भायखळा येथे उतरला. एका प्रवाशाने डब्याच्या पायऱ्यांवर पडलेले पाकिट पाहिले आणि ते गुंजन कुमार यांना दिले. त्यात एक व्हिजिटिंग कार्ड सापडले. या व्हिजिटिंग कार्डची खात्री केल्यानंतर त्यांनी अंकित सेठ यांच्याशी संपर्क साधला. या प्रवाशाला तिकीट गुंजन कुमारांनी मस्जिद बंदर स्टेशनवर बोलावले व आवश्यक औपचारिकता पूर्ण करून पाकीट परत केले.
मध्य रेल्वेचे मुख्य जनसंपर्क अधिकारी शिवाजी सुतार यांनी दिलेल्या माहितीनुसार तिकीट तपासणीसकांच्या प्रामाणिकपणाबद्दल त्यांना पुरस्कार देण्यात येणार आहे.
पाहा व्हिडीओ:
Subscribe
