अनोळखी नंबरवरून व्हिडिओ कॉल, मोह टाळा...नाहीतर ठरू शकतो ब्लॅकमेलिंगनं घात!

मुक्तपीठ टीम

राजस्थानमधील अलवरमधील गोठारी गुरु गाव हे सेक्स्टॉर्शनचे केंद्र बनले आहे. सेक्स्टॉर्शन ही एक महत्त्वाची समस्या आहे. मध्यम वयाप्रमाणेच कमी वयातील मुलं सेक्स्टॉर्शनला बळी पडत आहे. आता व्हॉट्सअॅप व्हिडिओ कॉलद्वारे लोकांना ब्लॅकमेल केले जात आहे. लोकांच्या व्हॉट्सअ‍ॅप नंबरवर अनोळखी नंबरवरून व्हिडिओ कॉल येत आहेत आणि नंतर नग्न व्हिडिओ दाखवले जात आहेत. हे रॅकेट चालते ते राजस्थानमधील गोठारी गुरु गावामधून. अशाच एका ब्लॅकमेलिंगमुळे पुण्यातील एका तरूणाने ब्लॅकमेलींगमुळे जीव दिला आहे.

नेमक प्रकरण काय?

अनोळखी नंबरवरून लोकांना व्हिडिओ कॉल येतो.
नंतर अश्लील व्हिडिओ दाखवले जातात.
लोकांना वाटत की तिथली मुलगी न्यूड आहे पण तो व्हिडिओ असतो.
युजरचा एक छोटासा व्हिडीओ रेकॉर्ड केला जातो.
नंतर तो व्हिडीओ एडिट करून अश्लील व्हिडिओ बनवला जात आहे.
यानंतर युजरला ब्लॅकमेल केलं जात.
युजरला वारंवार कॉल आणि मेसेज करून व्हिडीओ व्हायरल करण्याची धमकी दिली जाते.
त्याबदल्यात पैशांची मागणी केली जात आहे.
अलवरचे गोथरी गुरु गावत हे घडतय.
या गावातील बहुतांश मुले देहविक्रीचा व्यवसाय करतात.
यात संपूर्ण गावाचा सहभाग आहे.

सेक्स्टॉर्शनमुळे पुण्यातील युवकाचा बळी!

अशाच एका व्हिडीओवरून सातत्याने ब्लॅकमेल होत असल्याने पुण्यातील एका १९ वर्षीय तरुणाने आत्महत्या केली आहे.
या प्रकरणी पुणे पोलिसांनी राजस्थानमधील एका २९ वर्षीय तरुणाला अटक केली आहे.
या तरुणाला केवळ लैंगिक शोषणाशी संबंधित एका प्रकरणात अटक करण्यात आली होती.
आत्महत्या केलेल्या तरुणाने फसवणूक करणाऱ्यांना साडेचार हजार रुपयेही दिले होते.
त्यानंतरही ब्लॅकमेलिंग सुरूच होते.
या संपूर्ण प्रकरणाचा सूत्रधार अन्वर यालाही अटक करण्यात आली आहे.