मुक्तपीठ टीम
पथकर नाक्यावरुन कॅशलेस व वेगवान प्रवासासाठी फास्टॅगधारक कार, जीप व एसयुव्ही वाहनधारकांना महाराष्ट्र राज्य रस्ते विकास महामंडळाने जाहीर केलेल्या ५ टक्के कॅशबॅकला उत्तम प्रतिसाद मिळाला आहे.
केवळ सात दिवसात ३ लाख ४५ हजार १५५ वाहनधारकांनी कॅशबॅकचा लाभ घेतला आहे. पथकर नाक्यांवर फास्टॅग प्रणालीच्या १०० टक्के अंमलबजावणीसाठी महामंडळाची तयारी अंतिम टप्प्यात आहे. त्याअंतर्गत यशवंतराव चव्हाण मुंबई-पुणे द्रुतगती मार्ग व राजीव गांधी सागरी सेतू (वांद्रे-वरळी) पथकर नाक्यावर फास्टॅगधारक कार, जीप व एसयुव्ही वाहनांना प्रत्येक फेरीला ११ जानेवारी २०२१ पासून ५ टक्के कॅशबॅक महामंडळाने लागू केली आहे. त्याचा योग्य परिणाम दिसून आला आहे. ११ ते १७ जानेवारी २०२१ या कालावधीत मुंबई-पुणे द्रुतगती मार्ग व वांद्रे-वरळी सागरी सेतू पथकर नाक्यावर एकूण ३ लाख ४५ हजार १५५ वाहनधारकांनी कॅशबॅकचा लाभ घेतला. या कॅशबॅकच्या मोबदल्यात महाराष्ट्र राज्य रस्ते विकास महामंडळाने एकूण १९ लाख ८ हजार रुपये एवढ्या रकमेचा परतावा वाहनचालकांच्या फास्टॅग खात्यामध्ये जमा केला आहे.
कॅशबॅकला अपेक्षेहून अधिक प्रतिसाद
वांद्रे-वरळी सागरी सेतूच्या पथकर नाक्यावरील सर्व मार्गिका फास्टॅग प्रणालीने अद्यावतीकरणाचे काम २२ जानेवारीपर्यंत सुरु राहणार आहे. २६ जानेवारी २०२१ पासून फास्टॅगधारक वाहनांना प्राधान्य देण्यात येईल. त्यामुळे अधिकाधिक वाहनधारकांनी त्याचा फायदा घ्यावा’, असे आवाहन सह व्यवस्थापकीय संचालक विजय वाघमारे यांनी केले आहे.
पाहा व्हिडीओ:
Subscribe
