मुक्तपीठ टीम
कोरोनाने गंभीर बाधित झालेल्या रुग्णांसाठी ऑक्सिजन खूपच महत्वाचा असतो. नेमका सध्या त्याचाच तुटवडा पडत असतो. त्यामुळे प्रत्येक रुग्णालयाला ऑक्सिजन पुरवठ्याच्या बाबतीत स्वावलंबी करणे गरजेचे आहे. राज्यातील अशा मोजक्या ऑक्सिजन स्वावलंबी रुग्णालयांपैकी एक म्हणजे कोल्हापूर जिल्ह्यातील गडहिंग्लज उपजिल्हा रुग्णालय आहे.
कोल्हापुरातील गडहिंग्लज ऑक्सिजन प्लांट राज्यासाठी दिशादर्शक ठरणार आहे. कोरोनाच्या दुसऱ्या लाटेमधे राज्यामध्ये मोठ्या प्रमाणात ऑक्सिजनची गरज भासू लागल्याने ऑक्सिजन निर्मितीसाठी राज्यातील सर्व शासकीय रुग्णालयांमध्ये आता गडहिंग्लज पॅटर्न राबविण्याचा राज्य सरकारचा विचार करत आहे.
कोल्हापुरातील गडहिंग्लज ऑक्सिजन प्लांट राज्यासाठी दिशादर्शक ठरणार आहे. कोरोनाच्या दुसऱ्या लाटेमधे राज्यामध्ये मोठ्याप्रमाणात ऑक्सिजनची गरज भासू लागल्याने ऑक्सिजन निर्मितीसाठी राज्यातील सर्व शासकीय रुग्णालयांमध्ये आता गडहिंग्लज पॅटर्न राबविण्याचा राज्य सरकारचा विचार करत आहे. pic.twitter.com/sUA0r5lHV1
— Satej (Bunty) D. Patil (@satejp) April 17, 2021
गेल्या वर्षी कोल्हापुरातील गडहिंग्लज विभागातील कोरोना रुग्णांची संख्या वाढल्याने गडहिंग्लज उपजिल्हा रुग्णालय कोरोना रुग्णालय म्हणून कार्यन्वित करण्यात आले. सोबतच, ऑक्सिजन पुरवठा सुरळीत सुरु राहण्यासाठी ८० लाख रुपये खर्चून चेन्नईतील ऑक्सएअर कंपनीच्या मदतीने हा प्रकल्प उभारण्यात आला. या प्रकल्पाच्या मदतीने हवेतील ऑक्सिजन संकलित करून त्यातील नायट्रोजन व कार्बनडाय ऑक्साईड बाजूला करून जम्बो सिलेंडरमध्ये ऑक्सिजन भरून ठेवले जाते.
या प्रकल्पातून अत्यंत कमी खर्चामध्ये दिवसाला १२० ते १५० जम्बो सिलेंडर ऑक्सिजन निर्मिती केली जात असून १५० ऑक्सिजन बेड्सची ऑक्सिजन पूर्तता यातून केली जाते. या प्रकल्पामुळे वीजबिलाशिवाय इतर कुठलाही खर्च ऑक्सिजन निर्मितीसाठी येत नाही.
पाहा व्हिडीओ:
Subscribe
