अखेर १ वर्ष १ महिना २७ दिवसांनी माजी गृहमंत्री अनिल देशमुख जेलबाहेर!

मुक्तपीठ टीम

राष्ट्रवादी काँग्रेसचे नेते आणि राज्याचे माजी गृहमंत्री अनिल देशमुख यांना जामीन मंजूर झाला आहे. अखेर १ वर्ष १ महिना २७ दिवसांनी देशमुखांची झाली आहे. आर्थर रोड तुरुंगातून ते बाहेर आले. देशमुख यांचा जामीन रद्द करण्याची सीबीआयची मागणी हाय कोर्टाने फेटाळल्यानंतर अनिल देशमुख तुरुंगातून बाहेर आलेत. गेल्या वर्षी २ नोव्हेंबररोजी ‘ईडी’ने अनिल देशमुख यांना कथीत १०० कोटी वसुली प्रकरणी अटक केली होती. गेल्या १४ महिन्यांपासून ते ‘ईडी’ कोठडीत होते.

कार्यकर्त्यांची जेलबाहेर प्रचंड गर्दी…

तुरुंगातून बाहेर येताच ते सर्वप्रथम सिद्धिविनायक मंदिरात जाऊम दर्शन घेणार आहेत.
अनिल देशमुख यांच्या स्वागतासाठी विरोधी पक्षनेते अजित पवार, खासदार सुप्रिया सुळे, जयंत पाटील.
प्रफुल्ल पटेल, छगन भुजबळ, दिलीप वळसे पाटील यांच्यासह अनेक दिग्गज नेत्यांनी जेलबाहेर स्वागतासाठी हजेरी लावली.
अनिल देशमुख यांची सुटका होणार, या बातमीनंतर आर्थर रोड तुरुंगाबाहेर राष्ट्रवादी काँग्रेसचे नेते, पदाधिकारी आणि कार्यकर्त्यांची गर्दी जमा झाली.
आर्थर रोडबाहेर टायगर इज बॅक, हौसला बुलंद रहे, असे बॅनर घेतलेल्या कार्यकर्त्यांची जेलबाहेर प्रचंड गर्दी जमा झाली होती.

या अटींचं पालन करावं लागणार…

ईडी आणि सीबीआय दोघांकडून अनिल देशमुख यांना जामीन मंजूर झाला आहे.
१२ डिसेंबर रोजी मुंबई हायकोर्टाने अनिल देशमुख यांचा जामीन मंजूर केला होता.
अनिल देशमुख यांना जामीन मिळाल्यानंतरही त्यांना जेलबाहेर काही अटींचं पालन करावं लागणार आहे.
त्यांना विना परवानगी मुंबईच्या बाहेर जाता येणार नाही.