सपा नेते अबू आझमींचा मुलगा फरहान आझमी, सून आयेशा टाकियाशी विमानतळावर गैरवर्तन! भेदभावाचा आरोप!!

मुक्तपीठ टीम

समाजवादी पार्टीचे नेते अबू आझमी यांचा मुलगा फरहान आझमीने गोव्यातील पणजी विमानतळावर त्यांच्याशी गैरवर्तनाची तक्रार केली आहे. फरहान आझमी त्यांची पत्नी अभिनेत्री आयशा टकिया आणि मुलासह गोव्यातून परतत असताना ही घटना घडल्याचा त्यांचा आरोप आहे. सुरक्षेसाठी तैनात सीएसआयएफ कर्मचारी, अधिकाऱ्यांनी नाव कळल्यानंतर जाणीवपूर्वक इतर प्रवाशांपेक्षा वगेळं उभे करत गैरवर्तन केले, हा भेदभाव होता, असा आझमींचा आरोप आहे.

काय म्हणाले फरहान आझमी?

खरतर आयशा टाकिया आपल्या पती फरहान आझमी आणि मुलांसह गोव्याहून मुंबईला परतत होती.
यादरम्यान दोन सुरक्षा अधिकाऱ्यांनी फरहानवर वंशभेदी टिप्पणी केली.
त्यांनी अनेक ट्वीट करत ही माहिती दिली.
त्यांनी ट्विटमध्ये लिहिले, ‘प्रिय @CISFHQrs मी मुंबईसाठी @IndiGo6E 6386, ६:४० वाजता बोर्डिंग करत होतो आणि हे अधिकारी आरपी सिंह, एके यादव, कमांडर राऊत आणि वरिष्ठ अधिकारी (एसपी श्रेणी) बहादूर यांनी जाणूनबुजून मला आणि माझ्या कुटुंबाला वेगळे केले.
यानंतर त्यांनी माझे नाव टीमला मोठ्याने वाचून दाखवले.

Dear @CISFHQrs
I was boarding for Mumbai on @IndiGo6E 6386, 18:40 hrs flight & these racist officers R P Singh, A K Yadav, commander Rout & senior officer (SP category) Bahadur purposely singled me & my family (wife & son) immediately after they read out my name out loud to team pic.twitter.com/gjHdnFajDN

— Farhan Azmi (@abufarhanazmi) April 4, 2022

नेमकं काय घडलं ते उघड केल्यानंतर गोवा विमानतळ प्रशासनाचे चौकशीचे आश्वासन

त्यांनी पुढे लिहिले की, ‘सुरक्षा डेस्कवरील एका सशस्त्र अधिकाऱ्याने माझी पत्नी आणि मुलाला स्पर्श करण्याचा प्रयत्न केला आणि इतर सर्व कुटुंबे एकत्र उभी असताना त्यांना दुसऱ्या रांगेत उभे राहण्यास सांगितले’.
दुसर्‍या ट्विटमध्ये फरहानने लिहिले की, ‘हे सर्व इथेच संपत नाही.
वरिष्ठ अधिकारी बहादूर यांनी मला वेगळे उभे केले आणि माझा तपास करायला सुरुवात केली.
त्यांनी माझ्यावर अपमानास्पद टीका केली आणि माझा खिसाही तपासला, ज्यात फक्त ५०० रुपये होते.
मात्र याप्रकरणी गोवा विमानतळाने फरहान आझमीची माफी मागितली आहे.
तसेच या प्रकरणाची चौकशी केली जाईल, असे आश्वासन दिले.