“मोदी महाराष्ट्रात का आले नाही म्हणता, मग मुख्यमंत्र्यांचा दौरा दोनच जिल्ह्यांचा का?”

मुक्तपीठ टीम

पंतप्रधान नरेंद्र मोदी केवळ गुजरातमध्ये का गेले असा सवाल केला जात आहे, मग मुख्यमंत्री उद्धव ठाकरे केवळ दोनच जिल्ह्यांचाच दौरा का कर आहेत. ते इतर जिल्ह्यात का जात नाहीत? त्यांचा दौरा किती तासांचा आहे? असे सवाल विरोधी पक्षनेते देवेंद्र फडणवीस यांनी आघाडीच्या नेत्यांना विचारला आहे. त्याचवेळी मुख्यमंत्री उद्धव ठाकरे फक्त बाता मारतात, अशी टीकाही त्यांनी केली आहे.

विरोधी पक्षनेते देवेंद्र फडणवीस सध्या कोकण दौऱ्यावर आहेत. त्यांनी आज देवगडमध्ये बंदरावर येऊन मच्छिमारांच्या नुकसानीची पाहणी केली. यावेळी त्यांनी हा टोला लगावला.

फडणवीसांकडून ठाकरेंचे कोकण दौऱ्यावर टोलेबाजीनं स्वागत

• मोदी गुजरातला गेले. ते गोवा आणि महाराष्ट्रात का गेले नाही? असा सवाल करण्यात येतोय. मग मुख्यमंत्रीही केवळ दोनच जिल्ह्यात का आले?
• वादळाचा फटका पुणे, कोल्हापूर, सातारा आणि सांगलीलाही बसला आहे. तिकडे मुख्यमंत्री का गेले नाहीत? आम्हीही असाच सवाल करायचा का?
• गेल्या वर्षी निसर्ग चक्रीवादळावेळी सरकारनेही काहीही मदत केली नाही.
• मुख्यमंत्री म्हणतात राजकारण करू नका आणि प्रत्यक्ष टीका करत आहेत.
• मला राजकीय बोलायचं नाही.
• पण मुख्यमंत्र्यांचा दौरा किती तासांचा आहे.
• केवळ तीन तासांचा दौरा आणि किती किलोमीटरचा दौरा हे मोजून सांगू का?
• मुख्यमंत्री केवळ राजकीय विधानं करत आहेत.

एनडीआरएफची टीम तैनात का केली नाही?

• वादळाचा अलर्ट असतानाही देवगडमध्ये एनडीआरएफची टीम तैनात का ठेवण्यात आली नाही?
• कोकणात प्रचंड नुकसान झालं आहे. त्याचे पंचनामे कधी होणार?
• नुकसानग्रस्तांना मदत कधी मिळणार?
• बोटींचाही पंचनामा झालेला नाही. अधिकाऱ्यांनी केवळ कागदावर नुकसानीचे आकडे दाखवले आहेत. तेही अत्यंत कमी आकडे आहेत.
• मुख्यमंत्र्यांनी प्रशासनावर जरब बसवली पाहिजे.