मुक्तपीठ टीम
रत्नागिरी जिल्ह्यात पुन्हा एकदा भूकंपाचे धक्के जाणवले आहेत. साखरपा, संगमेश्वर आणि देवरूख परिसरात भूकंपाचे हादरे बसले आहेत. या भूकंपाची तीव्रता चार रिस्टल स्केल एवढी नोंदवण्यात आली आहे. सुदैवाने या घटनेत कोणतीही जीवितहाणी झालेली नाही. रात्री अडीचच्या सुमारास ही घटना घडली आहे. तर दुसरीकडे टी२० विश्वचषक स्पर्धेचा अंतिम सामना दुबईत खेळला जाण्यापूर्वीच रविवारी दुबईमध्ये भूकंपाचे धक्के जाणवले. अशा स्थितीत भूकंपामुळे लोकांमध्ये भीतीचे वातावरण निर्माण झाले आहे.
रत्नागिरीत चार रिस्टल स्केलचा भूकंप
- राष्ट्रीय भूकंप विज्ञान केंद्राकडून मिळालेल्या माहितीनुसार रात्री अडीचच्या सुमारास रत्नागिरी जिल्ह्यात भूकंपांचे धक्के जाणावले.
- साखरपा, संगमेश्वर आणि देवरूख परिसरात या भूकंपाची तीव्रता अधिक होती.
- चार रिस्टल स्केल एवढी या भूकंपाची तीव्रता नोंदवण्यात आली आहे.
- मुंबईपासून जवळपास ३५० किलोमीटर अंतरावर या भूकंपाचे केंद्र होते.
एक महिन्याच्या आत जिल्ह्याला दोनदा भूकंपाचा धक्का
- दरम्यान या भूकंपामध्ये कुठलीही जीवित अथवा वित्त हाणी झाल्याची बातमी आतापर्यंत मिळालेली नाही.
- भूकंपाच्या घटनेचा आढावा घेण्याचे काम सुरू आहे, अशी माहिती स्थानिक प्रशासनाकडून देण्यात आली आहे.
- भूकंपामुळे कुठलेही नुकसान झाले नाही, मात्र भर झोपेत असताना भूंकप झाल्याने नागरिकांमध्ये भीतीचे वातावरण होते.
- रात्री अडीचच्या सुमारास ही घटना घडली.
- भूकंप होत असल्याचे लक्षात येताच नगरिकांनी घराबाहेर धाव घेतली, त्यामुळे एकच गोंधळ उडाला होता.
- एक महिन्याच्या आत जिल्ह्याला दोनदा भूकंपाचा धक्का बसला आहे.
- या पार्श्वभूमीवर नागरिकांनी काळजी घ्यावी असे आवाहन प्रशासनाच्या वतीने करण्यात आले आहे.
दक्षिण इराणमध्ये ६.२चा भूकंप, दुबईतही भूकंपाचे धक्के!
- टी-२० विश्वचषक स्पर्धेचा अंतिम सामना दुबईत खेळला जाण्यापूर्वीच रविवारी दुबईमध्ये भूकंपाचे धक्के जाणवले. अशा स्थितीत भूकंपामुळे भीतीचे वातावरण निर्माण झाले आहे.
- टी-२० विश्वचषकाच्या अंतिम सामन्याची वाट पाहत लोक पूर्ण तयारीनिशी आपापल्या घरी बसले होते, मात्र भूकंपामुळे लोकांना घराबाहेर पडावे लागले. मात्र, कोणतीही जीवित किंवा वित्तहानी झाल्याचे वृत्त नाही.
- रविवारी संध्याकाळी दक्षिण इराणमध्ये ६.२ तीव्रतेचा भूकंप झाला, त्याचे आफ्टरशॉक यूएईमध्ये जाणवले आणि दुबईतील लोकांनाही भूकंपाचे धक्के जाणवले.
Subscribe
