मुक्तपीठ टीम
अभिनेता सुशांत सिंह राजपूतच्या मृत्यूनंतर ड्रग्स प्रकरणातील जीवघेणा अँगल समोर आला. त्यानंतर नार्कोटिक्स कंट्रोल ब्युरो म्हणजेच एनसीबीने सुरू असलेली कारवाई अद्यापही सुरूच आहे. एनसीबीने गेल्या आठवड्यात केलेल्या दोन कारवाईंमधून ड्रग्सच्या काळ्या धंद्याचे झगमगाटाशी असलेले नातं उघड झालं आहे. पहिली कारवाई एका बेकरीविरोधीत, जिथे केक आणि पेस्ट्रीत ड्रग्स लपवून पुरवले जात होते. तर दुसऱ्या कारवाईत बॉलिवूडमधील एका संघर्षशील अभिनेत्रीच्या बर्थ डे पार्टीवर धाड घातली असता ती प्रत्यक्षात ड्रग पार्टी असल्याचं उघड झालं आहे.
दाखवायला बेकरी, ड्ग्सवाली केक, पेस्ट्री!
- नार्कोटिक्स कंट्रोल ब्यूरोने (एनसीबी) मुंबईतील मालाड परिसरातील बेकरीवर छापा टाकून बेकरीत बनवण्यात येणाऱ्या केक आणि पेस्ट्रीत ड्रग्ज लपवून सप्लाय करणाऱ्यांचा पर्दाफाश केला आहे.
- एनसीबीने या प्रकरणात बेकरीच्या मालकासह ३ जणांना अटक देखील केली आहे.
- बेकरीच्या माध्यमातून असे ड्रग रॅकेट उघडकीस येण्याची ही पहिलीच वेळ आहे.
- एनसीबीचे विभागीय संचालक समीर वानखेडे म्हणाले की, बेकरीत केक आणि पेस्ट्रीत ड्रग्स लपवून सप्लाय होत असल्याची माहिती एनसीबीच्या अधिकाऱ्यांना मिळाली.
- यानंतर रविवारी ‘बेक द बेकर्स’ नावाच्या बेकरीवर छापा टाकण्यात आला आणि येथून १६० ग्रॅम गांजाही जप्त करण्यात आला.
- केकमध्ये ड्रग्ज भरून हायप्रोफाईल परिसरात विक्री केली जात असल्याची माहिती समोर आली आहे.
- कोणत्या आयटममध्ये, किती औषधे मिसळावीत, ही जबाबदारी २० वर्षांच्या मुलीची होती. तिला अटकही करण्यात आली आहे.
एका अभिनेत्रीची ड्रग्स पार्टी
- एका अभिनेत्रीला तिच्या वाढदिवसाच्या दिवशी पार्टीत ड्रग्स घेणे चांगलेच महागात पडले आहे.
- अभिनेत्री नायरा शाह आणि तिचा मित्र आशिद साजिद हुसेनला अटक करण्यात आली आहे.
- नायराने तेलुगू चित्रपट मिरुगा, बुर्रा कथा आणि ई-ई या चित्रपटात काम केले आहे.
- सांताक्रूझ पोलीस स्टेशनला मिळालेल्या माहितीनुसार, रविवारी अभिनेत्री नायर शहाचा वाढदिवस होता आणि ती हॉटेलच्या एका खोलीत आपल्या दोन मित्रांसह पार्टी करत होती.
- हॉटेलच्या खोलीत ड्रग पार्टी सुरू असल्याची माहिती पोलिसांना मिळाली, त्यानंतर छापा टाकून अभिनेत्रीला चरस सिगारेटसह अटक करण्यात आली.
सांताक्रूझ पोलीस स्टेशनच्या अधिकाऱ्याने सांगितले की एनडीपीएस कायद्यांतर्गत अटक झाल्यानंतर दोघांनाही सोमवारी दुपारी स्थानिक वांद्रे कोर्टात हजर करण्यात आले असता कोर्टाने जामिनावर सोडले आहे. गोव्यातील आणखी एक व्यक्ती जो त्यांच्यासोबत होता तो छापा टाकल्यानंतर तेथून फरार झाला. सध्या त्याचा शोधही सुरू आहे.
हिटलरच्या चरित्रातून जप्त केले ड्रग्स
- एप्रिलमध्ये एनसीबीने अॅडॉल्फ हिटलरच्या चरित्रात लपलेल्या ड्रग्सचा साठा जप्त केला होता.
- पुस्तकाच्या मध्यभागी लपवून ही औषधे युरोपमधून भारतात पाठविली जात होती.
- पुस्तकाची तपासणी केल्यावर एलएसडीच्या ८० बोल्ट्सची मात्रा जप्त करण्यात आली.
- एलएसडी काही युरोपियन देशांमधील काही तरुणांनी डार्क नेटद्वारे विकत घेतले होते आणि बिटकॉइन सारख्या क्रिप्टो चलनांद्वारे याचे पेमेंट केले गेले.
Subscribe
