मुक्तपीठ टीम
पेट्रोल ,डिझेल आणि गॅस दरवाढीच्या निषेधार्थ स्वभिमानी रिपब्लिकन पक्षाचा वतीने येवला तहसील कार्यालवर सायकल मोर्चा काढण्यात आला.
सध्या पेट्रोल डिझेल व गॅस यांची दरवाढ ही रोजच्या रोज मोठ्या प्रमाणात होत असुन त्यामुळे सर्व सामान्य जनता त्रस्त झाली आहे. केंद्र व राज्य सरकारने पेट्रोल डिझेल आणि गॅसच्या किंमती या तात्काळ कमी कराव्यात व गॅस वरील बंद झालेलं अनुदान त्वरित ग्राहकाच्या खात्यावर जमा करावी या प्रमुख मागणीसाठी शासनाचे लक्ष वेधण्यासाठी स्वाभिमानी रिपब्लिकन पक्षाचे तालुकाध्यक्ष महेंद्र पगारे याच्या नेतृत्वाखाली तहसील कार्यालवर सायकल मोर्चा काढण्यात आला.
सायकल मोर्चा
शहरातील विंचुरचौफुलीवरील भारतरत्न डॉ.बाबासाहेब आंबेडकर यांच्या पुतळ्याला पुष्पहार अर्पण करून पक्षाचे तालुकाध्यक्ष महेंद्रभाऊ पगारे याच्या नेतृत्वाखाली सायकल मोर्चा काढण्यात आला. जर मोर्चाची दखल शासनाने घेतली नाही तर स्वाभिमानी रिपब्लिकन पक्षाच्या वतीने तीव्र स्वरूपाचे आंदोलन छेडले जाईल आणि होणाऱ्या दुष्परिणामांस शासन जबाबदार राहीलं असा इशारा यावेळी पक्षाच्या वतीने देण्यात आला.
Subscribe
