मुक्तपीठ टीम
विधानसभेच्या उपसभापती पदासाठी झालेल्या मतदानात किमान ८ बसपा आमदारांसह एकूण १३ आमदारांनी क्रॉस-वोटिंग केल्याची बाब समोर आली आहे. बसपाचे हे सर्व आमदार मतदानापूर्वी समाजवादी पक्षाच्या कार्यालयात गेल्याचीही माहिती आहे. भाजप, अपना दल आणि काँग्रेसच्या प्रत्येकी एका आमदाराने सपाच्या बाजूने मतदान केल्याचेही वृत्त आहे. सुहेलदेव भारतीय समाज पक्षाच्या ४ आमदारांनीही सपाच्या बाजूने मतदान केले आहे.
सत्ताधारी पक्ष आणि मुख्य विरोधी पक्ष यांच्यातील संघर्षामुळे विधानसभेच्या उपसभापतीपदाची पोटनिवडणूक अतिशय रंजक झाली होती, कारण या पदासाठी गुप्त मतदान घेण्यात आले होते, त्यामुळे क्रॉस-वोटिंगची प्रबळ शक्यता होती. समाजवादी पक्षाने आधीच भाजपा, काँग्रेस आणि बसपासह सर्व पक्षांना त्यांच्या विवेकावर मतदान करण्यास सांगितले होते. विधानसभा उपाध्यक्षपदाच्या निवडणुकीनिमित्त खेळले गेलेले डावपेच पुढील वर्षीच्या विधानसभा निवडणुकांमधील टोकाच्या स्पर्धेची चाहूल देणारे होते.
क्रॉस वोटिंगचा फायदा सपाला
- १३ आमदारांनी सपाच्या बाजूने क्रॉस-वोटिंग केल्यानंतर समाजवादी पक्षाला या निवडणुकीत क्रॉस व्होटिंगचा थेट फायदा झाला आहे.
- समाजवादी पक्षाच्या एकूण आमदारांची संख्या ४९ आहे, परंतु या ४९ आमदारांपैकी १ (शिवपाल सिंह यादव) आणि १ (नितीन अग्रवाल) या संख्येत समाविष्ट नाहीत.
- त्यामुळे आता सपाच्या आमदारांची एकूण संख्या ४७ होती.
- १३ आमदारांनी केलेल्या क्रॉस मतदानानंतर आजच्या निवडणुकीत सपाला ६० मते मिळाली.
- बसपाच्या ८ बंडखोर आमदारांव्यतिरिक्त, असे मानले जाते की, सपाला अपना दलाचे आमदार आर के वर्मा आणि भाजपचे सीतापूरचे आमदार राकेश वर्मा यांची मते मिळाली आहेत.
- एकूण ५७ मते मिळत आहेत.
- अशा स्थितीत असे मानले जाते की आणखी ३ आमदारांनी सपाच्या बाजूने मतदान केले आहे.
Subscribe
