गुन्हे महत्त्वाचे: 1)विरारमध्ये पत्नीने पतीच्या पोटात चाकू खुपसून निर्घृण हत्या केल्याची धक्कादायक घटना उघड झाली. याबाबत विरार पोलिस ठाण्यात गुन्हा दाखल करण्यात आला आहे. 2)शाळेतील मुख्याध्यापकाने एका विद्यार्थिनीवर शाळेतच बलात्कार केल्याची धक्कादायक घटना घडली आहे. साताऱ्यातील महाबळेश्वर या ठिकाणी ही घटना घडली. याप्रकरणी नराधम शिक्षकाला अटक करण्यात आली आहे. पण या घटनेमुळे परिसरात खळबळ उडाली आहे. 3)ई चलान प्रणालीमुळे वाहतुकीचे नियम मोडणाऱ्यांना दंड करण्याबरोबरच वाहन चोरीचे गुन्हेही उघडकीस आणणे शक्य होत आहे. या प्रणालीत अलीकडेच केलेल्या तांत्रिक बदलांमुळे गेल्या दोन महिन्यांत वाहतूक पोलिसांनी २४ चोरीची वाहने जप्त केली असून ती चोरणाऱ्या किंवा वापरणाऱ्यांची ओळखही पटवली आहे. 4)जावळी तालुक्यातील हुमगाव येथे पती-पत्नीचे भांडण सोडवण्यासाठी गेलेल्या पोलीस कॉन्स्टेबल पद्मसेन संभाजीराव घोरपडे यांनाच महिलेच्या पतीने मारहाण केली. यात ते जखमी झाले. या प्रकरणी संतोष व्यंकट पवार याच्याविरोधात कुडाळ पोलिसांनी गुन्हा दाखल केला आहे.