एसडीपीओकडून दानापूर प्रकरण दाबण्याचे कारस्थान-जयदीप कवाडे

अमरावती जिल्ह्यातील चांदूर रेल्वे तालुक्यामधील दानापूर  गावातील सवर्णांकडून अनुसुचित जातीच्या बांधवांवर वारंवार अन्याय आत्याचर होत असून त्यांच्या शेतात जाणारा पिढीजात वहीवाटीचा रस्ताच सवर्णांनी बंद केल्याचा कुप्रकार केला. ऐन पेरणीच्या वेळी ट्रॅक्टर अडवुन अनुसूचित जातीच्या बांधवांना जातीवाचक शिवीगाळ करण्याचा गलिच्छ प्रकार तेथील समाज कंटकाकडून केल्या गेले. या प्रकरणी जरी पोलिसांनी चौघांवर अ‍ॅट्रोसिटीसह इतर गुन्हे दाखल केलेत. मात्र, स्थानिक एसडीपीओंनी सदर प्रकरणच दाबण्याचे कारस्थान करण्यात येत आहे, असा आरोप पीपल्स रिपब्लिकन पार्टीचे राष्ट्रीय कार्याध्यक्ष जयदीप जोगेंद्र कवाडे यांनी प्रसिद्धी पत्रकातून केला. त्या जातीयवादी लोकांनी बौद्ध बांधवांना जातीयवाचक शिवीगाळ करून जीवे मारण्याच्या धमक्या दिल्या व गावा बाहेर सुद्धा काढले.

वहीवाटीच्या रस्त्यासाठी स्थानिक तहसीलदाराकडे २३/०७/२१ दाखल केसवर चार महिणे होऊनही निकाल लागलेला नाही. सततचा अन्याय, अत्याचार होऊनही न्याय मिळत नसल्याने दानापूरचे अनुसूचित जातीचे बांधव व्यथीत झाले आहे. तर आरोपींना शासन-प्रशासनाकडून पाठबळ मिळाल्याने त्यांचे अन्याय अत्याचार वाढल्या गेले. अनुसूचित जातीचे बांधव तहसिलमध्ये वारंवार जाऊनही त्यांना न्याय मिळाला नाही. अशातच गेल्या १८ ऑक्टोबरला दानापूरच्या त्या कथीत सर्वणांनी निखिल चांदणे यांच्या शेतातील सोयाबीन जाळले. यातील संशईताची नावे देऊनही पोलिसांकडून ठोस कार्यवाही का केली गेली नाही.  या प्रकरणाला मुख्यमंत्री उद्धव ठाकरे यांनी गांभीर्याने घेउन दोषींवर कठोर कारवाई करण्याची मागणी जयदीप कवाडे यांनी केली.