राज्यात २५ हजार महिला-मुली गायब! भाजपा नेत्या चित्रा वाघांचा खळबळजनक आरोप!

मुक्तपीठ टीम

सोमवारी भाजप नेत्या चित्रा वाघ यांनी नाशिक जिल्ह्यातील शेंद्रीपाड्या इथे गेल्या होत्या. यावेळी त्यांनी तेथील महिलांच्या समस्या आणि नाशिक मधील महिलांच्या सुरक्षेवरून राज्य सरकारवर चांगल्याच संताप व्यक्त केला. नाशिकमध्ये भरदिवसा मुलींची छेड काढली जाते. अपहरणाचा प्रयत्न केला जातो, राज्यात २५ हजार महिला, मुली गायब झाल्यात. महाराष्ट्रात नेमकं काय चाललंय, असा प्रश्न भाजप नेत्या चित्रा वाघ यांनी नाशिकमध्ये बोलताना केला.

नाशिकमध्ये नेमकं काय घडलं?

नाशिकमध्ये सोमवारी मार्केड यार्ड परिसरातील पोलीस ठाण्याजवळ मुलीच्या अपहरणाचा प्रयत्न झाल्याने एकच खळबळ उडाली आहे.
ही तरुणी काकासोबत पायी जात होते.
यावेळीआलेल्या दोन तरुणांनी सुरुवातीला तरुणीची छेड काढली.
मात्र, तरुणीने विरोध केला.
तेव्हा त्यांनी या तरुणीच्या अपहरणाचा प्रयत्न केला.
मुलीच्या काकाने या अपहरणकर्त्या तरुणांशी दोन हात करण्याचा प्रयत्न केला.
तितक्यात तरुणीने जोरदार आरडाओरडा सुरू केला.
त्यामुळे जवळच असलेल्या पोलीस ठाण्यातील कर्मचाऱ्यांनी धाव घेत या तरुणांना ताब्यात घेतले.
मात्र, चक्क पोलीस ठाण्याजवळ ही घटना घडल्यामुळे आश्चर्य व्यक्त केले जात आहे.
कारण पोलीस ठाणे परिसर सुरक्षित नसेल, तर नेमका कुठला भाग सुरक्षित मानायचा असा सवाल विचारला जात आहे.
चित्रा वाघ यांनीही हाच प्रश्न उपस्थित केला आहे.

नाशिकमध्ये अपहरणाचा प्रयत्न होतो, पोलीस यंत्रणा कुठंय?

राज्यात अपहरणाच्या घटना दिवसेंदिवस वाढताना दिसत आहे.
आजघडीला राज्यातून २५ हजार महिला आणि मुली गायब झाल्यात.
हे पाहता प्रश्न पडतो की, महाराष्ट्रात नेमकं चाललंय काय?
आधी पोलीस आयुक्त गायब झाले, नंतर गृहमंत्री गायब झाले आणि आता मुख्यमंत्रीही गायब आहेत, अशी टीका त्यांनी यावेळी केली.
नाशिकमध्ये दिवसाढवळ्या मुलींची छेड काढली जातेय, अपहरणाचा प्रयत्न होतो, पोलीस यंत्रणा कुठंय, असा प्रश्नही त्यांनी यावेळी उपस्थित केला.

बालमृत्यू, माता मृत्यूंची जबाबदारी कुणाची?

चित्रा वाघ म्हणाल्या, आदित्य ठाकरेंना शेंद्रीपाड्यात पूल बांधण्याची विनंती केली.
शेंद्रीपाडा, सावरपाडा आणि परिसरातील आदिवासी महिला, बांधवांचे अन्य प्रश्नही सोडवण्याची गरज आहे.
जिल्ह्यातील ५० टक्के आदिवासी बांधवांना खावटी योजनेचं अनुदान मिळालेलं नाही.
नंदुरबार जिल्ह्यातही आदिवासी बांधवांच्या आरोग्य सुविधांचा प्रश्न गंभीर आहे.
एकट्या नंदुरबार जिल्ह्यात ३१ मातांचा असुरक्षित बाळंतपणात बळी गेला.
या बालमृत्यू, माता मृत्यूंची जबाबदारी कुणाची, असा सवालही त्यांनी केल