“महाराष्ट्रात बिहार स्टाइल! वाहतूक कोंडीत रिव्हॉल्व्हरबाजी! गाडीवर शिवसेनेचा लोगो”

मुक्तपीठ टीम

वाहतूक कोंडीतून वाट काढण्यासाठी एका कारचालकाने चक्क पिस्तुलचा धाक दाखवत असल्याचे एक व्हिडीओत समोर आला आहे. या कारचालकाचा व्हिडीओ सध्या सोशल मीडियावर व्हायरल होत आहे. या रिव्हॉल्व्हरबाज कारचालकाच्या गाडीवर शिवसेनेचा लोगो असल्याने ते शिवसैनिक असल्याचे ट्वीट करत एमआयएमचे खासदार इम्तियाज जलील यांनी कारवाईची मागणी केली आहे.

खासदार इम्तियाज जलील यांनी व्हिडीओ शेअर करताना म्हटले आहे की, “हे महाराष्ट्रातील पुणे-मुंबई द्रुतगती मार्गावरील चित्र आहे. वाहनावरील लोगो सर्व काही सांगून जातो. शुक्रवारी रात्री शिवसैनिक त्यांच्या गाडीसाठी वाट काढण्यासाठी रिव्हॉल्व्हरचे ब्रँडिंग करीत होता. राज्याचे गुहमंत्री आणि पोलीस महानिरिक्षक या घटनेची दखल घेतील का? असा प्रश्न त्यांनी उपस्थित केला आहे.”

हे महाराष्ट्रातील पुणे मुंबई द्रुतगती मार्गावर आहे ! वाहनवरील लोगो हे सर्व सांगते ! शुक्रवारी रात्री शिवसैनिक त्यांच्या गाडीसाठी मार्गक्रमण करीत असताना रिव्हॉल्व्हर्सचे ब्रँडिंग करीत होते. गृहमंत्री /पोलीस महानिरीक्षक या अधर्मची दखल घेऊ शकतात का! @AnilDeshmukhNCP @DGPMaharashtra https://t.co/SaWy3UVuH6

— imtiaz jaleel (@imtiaz_jaleel) January 29, 2021

इम्तियाज जलील यांनी पोस्ट केलेल्या व्हिडीओवर अनेक संतप्त प्रतिक्रिया येत आहेत. हा महाराष्ट्र आहे, युपी-बिहार नाही असे म्हणत एकाने संबंधित कारचालकावर कारवाई करावी अशी मागणी केली आहे. तसेच काहींनी गाडीचा नंबर व्हिडीओत दिसत असल्याने चालकाला पकडलं पाहिजे, असे नमूद केले आहे.

या सर्वप्रकरणी अद्याप शिवसेनेकडून कुठलीही प्रतिक्रिया आलेली नाही.