नव्या ब्रिथ अॅनालायझर उपकरणाद्वारे आता सहज करता येणार कोरोना चाचणी!

मुक्तपीठ टीम

जगभरातील शास्त्रज्ञ कोरोनासंदर्भात संशोधनात गुंतले आहेत. दररोज काही नवीन गोष्टींचा शोध लावला जात आहे. प्रत्येकाचा प्रयत्न आहे, कोरोना निदानाचे चांगले मार्ग आणि उपचार सापडावे. आता एका कंपनीने कोरोना निदानासाठी एक ब्रेथ अॅनालायझर उपकरण तयार केले आहे. त्यामुळे एखाद्या व्यक्तीचा श्वास तपासल्यानंतरच तो व्यक्ती कोरोना पॉझिटिव्ह आहे की नेगेटिव्ह याबद्दल माहिती मिळते.

दोन चाचण्यांना मान्यता

• डच कंपनी ब्रेथोमिक्सने बनवलेल्या स्पिरोनोज श्वास आधारित कोरोना चाचणीसाठी उपयुक्त आहे.
• मे महिन्यात सिंगापूरच्या आरोग्य एजन्सीने ब्रेथोमिक्स आणि सिल्व्हर फॅक्टरी टेक्नॉलॉजीने केलेल्या दोन श्वास आधारित चाचण्यांना तात्पुरती अधिकृत मान्यता दिली.
• तसेच ओहियो स्टेट युनिव्हर्सिटीच्या संशोधकांचे म्हणणे आहे की, त्यांनी त्यांच्या कोरोनाच्या ब्रिथ अॅनालायझर उपकरणाला आपत्कालीन अधिकृततेसाठी अमेरिकन फूड अ‍ॅन्ड ड्रग अ‍ॅडमिनिस्ट्रेशनला अर्ज केला आहे.

श्वासामध्ये होणारे बदल महत्वाचे!

• आहार श्वासोच्छवासाच्या बदलांवर देखील परिणाम करू शकतो.
• धूम्रपान आणि मद्यपान करणार्‍या लोकांमध्ये श्वसन रोगाचा शोध घेणे कठीण आहे.
• तरीही, सेन्सर तंत्रज्ञान, मशीन लर्निंग आणि संशोधनातून कोरोना शोधण्यासाठी शास्त्रज्ञांनी हे ब्रिथ अॅनालायझर उपकरण तयार केले आहे.
• मधुमेह ग्रस्त लोकांच्या श्वासात गंध असतो, म्हणजेच मधुमेह ग्रस्त लोकांच्या श्वासात मधूर किंवा गोड वास येतो. हा वास केटोन्समुळे आहे.
• श्वासामध्ये बदल तेव्हा घडतो जेव्हा, शरीर उर्जेसाठी ग्लूकोजऐवजी चरबी जाळण्यास सुरवात करतो.

श्वासातील बदल सांगतात कोरोना लक्षणं

• आधुनिक तंत्रज्ञानामुळे रासायनिक बदल आणि मशीन लर्निंग अल्गोरिदम नमुन्यांमधील श्वास घेण्याच्या पद्धती बदलून रोग ओळखू शकतात.
• गेल्या काही वर्षांमध्ये वैज्ञानिकांनी हे तंत्रज्ञान फुफ्फुसाचा कर्करोग, यकृत रोग, क्षयरोग, दमा, पोटातील आजार यासारख्या परिस्थितींसाठी वापरले आहे.
• कोरोना असलेल्या लोकांच्या श्वासोच्छ्वासाच्या नमुन्यांमध्ये एल्डीहाइडची पातळी जास्त होती.
• जेव्हा ऊती किंवा पेशी जळजळ झाल्यामुळे खराब होतात तेव्हा हे रसायन सोडले जाते.
• यातून संशोधकांना समजते की ही हानी विषाणूमुळे होत आहे. कोरोना रूग्णांमध्ये मेथॅनॉलचे प्रमाण कमी होते.

संशोधकांनी या डिव्हाइसबद्दल असेही म्हटले आहे की ही चाचणी पर्याय म्हणून वापरली जाऊ शकते, परंतु इतर चाचणी पद्धतींची ती पूर्णपणे जागा घेऊ शकत नाही.

सौजन्य : https://www.breathomix.com/