मुंबईत अभिनेत्याच्या पत्नीचं हनीट्रॅप रॅकेट, ग्रामीण महाराष्ट्रातील व्यापाऱ्यांकडून कोट्यवधींची वसुली!

मुक्तपीठ टीम

मुंबई पोलिसांनी हनी ट्रप प्रकरणी मोठी कारवाई केली आहे. हनी ट्रॅप लावून बढ्या उद्योगपती आणि व्यावयायिकांकडून कोट्यावधी रुपये उकळणाऱ्या टोळीवर ही कारवाई केली आहे. पोलिसांच्या कारवाईत एका महिला फॅशन डिझायनरचा समावेश असून ती नव्वदच्या दशकातील एका बॉलिवूड अभिनेत्याची पत्नी आहे.

नेमकं प्रकरण काय?

• बॉलिवूड अभिनेत्याची पत्नी सपना उर्फ लुबना वजीर ही हनीट्रॅप रॅकेटची सूत्रधार आहे.
• मुंबईतील जुहू, वांद्रे, लोखंडवाला ते गोव्यापर्यंत किटी पार्ट्या आणि इतर सोशलिंगचे कार्यक्रम करत असे.
• या माध्यमातून लोकांशी मैत्री करुन सावजाचा शोध घेतला जात असे.
• या रॅकेटने मोडस ऑपेरेंडीनुसार त्यांनी शेकडो जणांना चुना लावला आहे.

नेमकं काय घडलं?

• कोल्हापूर जिल्ह्यातील एक व्यापारी या रॅकेटचं लक्ष्य ठरला.
• त्या व्यापाऱ्याची गोव्यातील एका व्यक्तीशी ओळख झाली.
• २०१९ मध्ये हा व्यापारी मुंबईतील अंधेरी परिसरात आला होता.
• आरोपीने व्यापाऱ्याची फायानान्सरसोबत मीटिंग असल्याचं सांगून आपल्या दोन मैत्रिणींना एका पंचतारांकित हॉटेलच्या आलिशान खोलीत भेटायला पाठवले.
• आपण बिझी असून येणं शक्य नसल्याचा खोटा निरोप फायनान्सरच्या नावे दिला.
• दोन्ही महिलांनी व्यापाऱ्यासोबत थोडा वेळ गप्पा मारुन खोलीतच जेवणाची ऑर्डर दिली.
• यानंतर एक महिला बाहेर कोणीतरी भेटायला आल्याचे सांगून खोलीतून निघून गेली तर दुसरी महिला वॉश रूम मध्ये गेली.
• थोड्या वेळाने बाहेर गेलेल्या महिलेने येऊन दारावरची बेल वाजवली.
• व्यापाऱ्याने दरवाजा उघडला.
• त्याच वेळी वॉशरुममध्ये गेलेली महिला बाहेर आली, मात्र तिच्या अंगावर कपडे नव्हते, तर तिने एक ब्लँकेट गुंडाळले होते.
• व्यापाऱ्याने आपल्यावर बलात्कार करण्याचा प्रयत्न केल्याचे सांगून ती रडू लागली.

व्हिडीओद्वारे ब्लॅकमेल

• दुसऱ्या महिलेने तात्काळ आरोपी आणि तिच्या महिला साथीदाराचा (कथित पीडित) त्याच अवस्थेत व्हिडिओ बनवला आणि त्याच वेळी त्यांचा पुरुष साथीदारही तिथे आला.
• त्यानंतर त्याने आधी व्यावसायिकाला धमकावले, त्यानंतर व्हिडिओच्या आधारे त्याला ब्लॅकमेल करण्यास सुरुवात केली.
• व्यावसायिकाकडून ३ कोटी २६ लाख रुपये उकळले आहेत.
• अखेर व्यावसायिकाच्या तक्रारीनंतर पोलिसांनी आरोपींची ओळख पटवण्यास सुरुवात केली असता या हनी ट्रॅपमागे दोन पुरुष आरोपीही असल्याची धक्कादायक बाब समोर आली आहे.
• मात्र पुढील तपास सुरु आहे.

पोलिसांची शोध मोहीम

• बॉलिवूड अभिनेत्याची पत्नी सपना उर्फ लुबना वजीर हिच्याशिवाय दोन पुरुष मॉडेल आणि एक महिला मॉडेल फरार असून, त्यांचा शोध सुरु आहे.
• अभिनेत्री आणि फॅशन डिझायनर लुबना वजीर उर्फ सपनाच्या घरावर पोलिसांनी छापा टाकला तेव्हा तिच्याकडे २९ लाख रुपयांची रोख रक्कम मिळाली.
• तर ७ मोबाईल फोन, २ कार आणि ८ लाखांहून अधिक किमतीचे दागिने सापडले.