पोटनिवडणुकांचे निकाल : देशातील ७ पैकी ४ जागी भाजपा, ३ जागी शिवसेना, राजद, टीआरएस!

मुक्तपीठ टीम

देशातील झालेल्या पोटनिवडणुकांचे निकाल आज जाहीर झाले. देशभरातील ७ पैकी ४ जागी भाजपा, ३ जागी शिवसेना, राजद, टीआरएस विजयी झाले आहेत.

बिहारमधील मोकामा, गोपालगंज, महाराष्ट्रातील अंधेरी पूर्व, तेलंगणातील मुनुगोडे, उत्तर प्रदेशातील गोला गोकरनाथ, ओडिशातील धामनगर, हरियाणातील आदमपूर या सात विधानसभा मतदारसंघासाठी झालेल्या पोटनिवडणुकीचे निकाल जाहीर झाले आहेत. उत्तर प्रदेश आणि हरियाणामध्ये प्रत्येकी एका जागेवर पोटनिवडणुकीत भाजपाचा उमेदवार विजयी झाला आहे. बिहारमधील मोकामा जागेवर आरजेडीचा उमेदवार विजयी झाली आहे. गोपालगंजमध्ये भाजपा आणि आरजेडीमध्ये चुरशीची लढत आहे, तर ओडिशात भाजपा आणि तेलंगणामध्ये टीआरएसचे उमेदवार आघाडीवर आहे.