मुक्तपीठ टीम
भाजपचे आमदार शिवेंद्रराजे भोसले यांनी आज उपमुख्यमंत्री अजित पवार यांची बारामतीत भेट घेतली. भाजपमध्ये प्रवेश केल्यानंतर पहिल्यांदाच शिवेंद्रराजे यांनी उपमुख्यमंत्री पवार यांची भेट घेतली त्यामुळे राजकीय वर्तुळात खळबळ उडालीय.
भेटीबाबत अजित पवार यांना विचारले असता मी राज्याचा उपमुख्यमंत्री आहे. त्यामुळे राज्यातल्या विविध भागातले आमदार माझ्याकडे विकास कामांसाठी भेटत असतात. शिवेंद्रराजे यांच्या मतदारसंघातले काही प्रश्न होते. त्याच्यावर बैठक लावण्याची मागणी त्यांनी केली. त्यामुळे मी त्यांना सांगितलं, मंत्रालयात बैठक लावतो. मीही विरोधी पक्षात असताना अनेक सत्ताधारी पक्षांकडे कामे घेऊन जात होतो, असे सांगत अजित पवारांनी सारवासारव केली.
Subscribe
