डॉ.संदीप पाटील
अखेर प्रतिक्षाकाळ संपला आहे. मुंबईची लाईफलाईन मानल्या जाणा-या आपल्या लोकन ट्रेन्स १ फेब्रुवारी २०२१ पासून सर्वसामान्यांसाठी सुरू होत आहेत. यामुळे कार्यालयाला, इतर कामांवर जाणाऱ्या अनेकांना दिलासा मिळाला आहे, ज्यांना अनेक महिन्यांपासून घरामध्येच काम करण्याचा कंटाळा आला आहे. राज्य सरकारच्या आदेशानुसार लोकल ट्रेन्स सर्वसामान्यांसाठी विशिष्ट कालावधीमध्ये चालवण्यात येणार आहेत.
- सकाळी ४.१५ वाजता सुरू होणा-या पहिल्या ट्रेनपासून सकाळी ७ वाजेपर्यंत,
- त्यानंतर दुपारी १२ ते सायंकाळी ४ वाजेपर्यंत आणि रात्री ९ ते रात्री १ वाजेपर्यंत प्रवास करण्याची परवानगी देण्यात आली आहे.
- आवश्यक सेवा देणारे कर्मचारी सकाळी ७ ते दुपारी १२ आणि सायंकाळी ४ ते रात्री ९ या कालावधीदरम्यान प्रवास करू शकतात.
या बातमीसह जीवन पुन्हा सुरळीत होण्याची आशा निर्माण झाली आहे. पण, आपण आपल्या संरक्षकांची मेहनत व्यर्थ ठरवू शकत नाही. मुंबईतील लोकल ट्रेन्समध्ये प्रवास करणे सोपी गोष्ट नाही. या प्रवासादरम्यान विविध लोकांचा संपर्क होतो, ज्यामुळे कोरोनासंसर्ग होण्याचा धोका वाढू शकतो.
प्रवाशी पुन्हा रेल्वेने प्रवास करण्यास जितके उत्सुक आहेत, तितकेच त्यांनी त्यांच्या आरोग्याची काळजी घेण्याची आणि योग्य खबरदारी उपायांचे पालन करण्याची गरज आहे.
प्रवास सुरू करण्यापूर्वी काय काळजी घ्याल:
- तिकिटे बुक करण्यासाठी कॉन्टॅक्टलेस मार्गांचा वापर करा, उदाहरणार्थ ई-पास / ई-तिकिट काढा.
- तुमच्यासोबत ३-प्लाय फेस मास्क, हँड सॅनिटायझर आणि काही निर्जंतुक वाइप्स ठेवा. मास्क
- बदलण्याची गरज असेल तर बंदिस्त बॅगेमध्ये आणखी काही मास्क्स सोबत ठेवा.
- घराबाहेर पडण्यापूर्वी ग्लोव्ह्ज घाला. प्रवास सुरू करण्यापूर्वी साबण व पाण्याने हात स्वच्छ
- धुवा आणि त्यानंतर मास्क घाला. मास्क घातल्यानंतर तुमच्या गंतव्यापर्यंत पोहोचण्यापूर्वी
- मास्कला स्पर्श करू नका किंवा काढू नका.
प्रवासादरम्यान काय काळजी घ्याल:
- सरकारने जारी केलेल्या आदेशाचे काटेकोरपणे पालन करा. इतर प्रवाशांपासून किमान ६ फूट
- अंतरावर उभे राहा आणि समूहांमध्ये गर्दी करणे टाळा. रेल्वेने कुठे उभे राहावे किंवा बसावे, कुठे
- रांगेत उभे राहावे आणि बाहेर पडण्याचा मार्ग यासंदर्भात चिन्हे तयार केली आहेत, त्या चिन्हांचे पालन करा.
- तिकिट मशिन्स, हँडरेल्स, एलीव्हेटर बटन्स अशा पृष्ठभागांना स्पर्श करणे शक्यतो टाळा. तुम्ही
- या पृष्ठभागांना स्पर्श केला तर त्वरित साबण किंवा पाण्याने हात स्वच्छ धुवा किंवा ६० टक्के
- अल्कोहोल असलेल्या सॅनिटायझरचा वापर करा.
- सार्वजनिक शौचालयाचा वापर केल्यानंतर किमान २० सेकंद साबण व पाण्याने हात स्वच्छ धुवा.
- सार्वजनिक ठिकाणी थुंकणे व कचरा करणे टाळा.
कामाच्या ठिकाणी पोहोचल्यानंतर:
- प्रवास पूर्ण केल्यानंतर हात सॅनिटाईज करा, कामाच्या ठिकाणी पोहोचल्यानंतर किमान २० सेकंद
- साबण व पाण्याने हात स्वच्छ धुवा.
- प्रवासादरम्यान घातलेला मास्क काढून टाका आणि त्याऐवजी नवीन मास्कचा वापर करा. अगोदर
- वापरलेला मास्क धुण्यासाठी बंदिस्त बॅगेमध्ये ठेवता येऊ शकतो किंवा त्याची विल्हेवाट लावता येऊ शकते.
- कॅफेटेरियाजमध्ये गर्दी करणे टाळा आणि सुरक्षित अंतर ठेवा. शक्यतो, ब्रेकदरम्यान एकत्र खाणे टाळा.
काही प्रकारच्या प्रवास पद्धतींमुळे कोरोना होण्याचा उच्च धोका असू शकतो, पण योग्य खबरदारी घेण्यासोबत स्वच्छताविषयक नियमांचे पाल न केल्यास सुरक्षित प्रवासाची खात्री मिळू शकते.
(डॉ. संदीप पाटील हे कल्याणच्या फोर्टिस हॉस्पिटलचे चीफ इंटेन्सिव्हिट आहेत)
Subscribe
