कानाखाली मारण्याची धमकी देणाऱ्या बंडखोर आमदाराला प्रत्युत्तर! शिवसैनिक तरुणीला धमक्या!

मुक्तपीठ टीम

हिंगोलीचे बंडखोर आमदार संतोष बांगर हे शिंदे गटात गेल्यानंतर चांगलेच चर्चेत आले आहे. त्यांच्यावर टिकेची झोड उडत आहे. विशेषत: सोशल मिडियावर ‘गद्दार’ अशा कमेंट्स केल्या जात आहे. त्यानंतर बांगर यांनी कोणी गद्दार असा उल्लेख केला तर त्यांच्या कानशिलात लावा असा सल्लाच त्यांनी कार्यकर्त्यांनी दिला आहे. त्यांच्या या विधानानंतर ते चांगलेच ट्रोल झाले आहेत. शिवसेनेच्या समाजमाध्यम समन्वयक अयोध्या पोळ-पाटील यांनी संतोष बांगर यांना आव्हान केले आहे. त्यांनाही धमक्या आल्याचं त्यांनी सांगतानाच, आपण धमक्यांना जुमानणार नसल्याचंही त्या म्हणाल्या.

काय म्हणाले होते संतोष बांगर?

• सुरुवातीच्या काळात शिवसेनेतून बंडखोरी केलेल्या आमदारांना संतोष बांगर यांनी गद्दारच नव्हे तर शिव्या-शापही दिले होते.
• मात्र यानंतर स्वत:च शिंदे गटात सामील झाले.
• संतोष बांगर हे शिंदे गटात सहभागी झाल्यापासून त्यांच्यावर टिकेची झोड उडत आहे.
• सोशल मिडियावर ‘गद्दार’ अशा कमेंट्स त्यांना येत आहे.
• यावरून त्यांनी शनिवारी एका कार्यक्रमात, आपण शिवसैनिक आहोत. जर आपल्याला कुणी गद्दार म्हणत असेल तर त्याच्या कानाखाली आवाज काढण्याचं काम माझ्या शिवसैनिकांनी करावं. आम्ही भिणारे शिवसैनिक नाहीत. आमच्या हातामध्ये बांगड्या नाहीयेत. आम्ही बाळासाहेबांचे कडवट शिवसैनिक आहोत. आम्हाला जर कुणी आरे म्हटलं तर त्याला कारे नाही, पण कानाखाली आवाज काढल्याशिवाय राहणार नाही”, असं विधान केलं.

धमक्या फक्त बांगरांकडूनच नाही तर स्थानिक आमदारांकडूनही!!

• संतोष बांगर यांच्या विधानानंतर शिवसेनेच्या समाजमाध्यम समन्वयक अयोध्या पोळ-पाटील यांनी संतोष बांगर यांना प्रत्युत्तर दिलं आहे.
• ते म्हणत आहेत की आम्हाला गद्दार, बंडखोर म्हणायचं नाही. जर असं कुणी म्हणत असेल, तर आमचे शिवसैनिक त्यांच्या कानाखाली आवाज काढतील.
• पण मला धमक्या फक्त बांगरांकडूनच नाही तर स्थानिक आमदारांकडूनही आल्या आहेत.
• मी जेव्हा बालाजी कल्याणकरांचं नाव घेऊन पोस्ट लिहिल्या, तेव्हा मला भायखळ्यातून फोन आले.
• तुम्ही आमच्या मॅडमबद्दल लिहायचं नाही असं सांगितलं गेलं. मी तर तोपर्यंत सुरुवातही केली नव्हती.
• पण मला करू नको म्हटलं तर मी ते सगळ्यात आधी करते.

जीव गेला तरी बेहत्तर, पण…

• आपण धमक्यांना बळी पडणारे नसल्याचं अयोध्या पोळ-पाटील यांनी यावेळी सांगितलं.
• करून करून काय करतील? हातपाय तोडतील किंवा जीव घेतील.
• माझे आई-वडील अभिमानाने म्हणतील की मुलीनं शिवसेनेसाठी स्वत:चा जीव दिला.
• माझ्यासारखी लकी कुणीच नसेल.
• कारण पक्षप्रमुख उद्धव ठाकरे अशा गोष्टींना बळी न पडलेल्यांची नावं घेतील, तेव्हा माझं नाव घेतील.
• मी अशा धमक्यांना घाबरणारी नाही.
• मला भायखळ्यातून धमक्या आल्या, तेव्हा मी सेनाभवनला गेले होते.
• तेव्हा मी आदित्य ठाकरेंच्या कानावर ही गोष्ट घातली.
• माझी उद्धव ठाकरेंसोबतही बैठक झाली, तेव्हाही मी त्यांना ही बाब सांगितली.
• जीव गेला तरी बेहत्तर, पण मी पक्षाची बाजू मांडायचं सोडणार नाही.