मुक्तपीठ टीम
अभिनेता अर्जुन कपूरने तो फक्त पडद्यावरचा नसून प्रत्यक्षातीलही नायक असल्याचं दाखवून दिले आहे. त्याने पुढील काळात १०० कर्करोगग्रस्त कपल्सना मदत करण्याचा निर्णय घेतला आहे. व्हॅलेन्टाईन डेला एखादी भेटवस्तू त्याच्या प्रेयसीला देण्याऐवजी १०० अशा जोडप्यांना मदत करत आहे जे कर्करोगाशी लढा देत आहेत. केमोथेरपी आणि रेडिओथेरपी, शस्त्रक्रिया आणि औषध यासाठी लागणारा खर्च तो करणार आहे.
अर्जुनची आई मोना शौरी यांचा मृत्यू कर्करोगामुळे झाला होता. म्हणूनच तो सगळ्यांना कर्करोगाची माहिती देणारी जनजागृती करणार आहे. त्यासाठी त्याने ‘कॅन्सर पेशंट्स अॅण्ड असोसिएशन’ (सीपीएए) यांच्या सोबत काम करण्याचे ठरवले आहे.
कोरोना संकटात लोकांनी एकमेकांना मदत करून वेगवेगळ्या माध्यमातून आपली माणूसकी दाखवली. तसाच अर्जुनने हा मदतीचा हात पुढे केला आहे. आपण सगळे आपल्या प्रिय लोकांसोबत व्हॅलेन्टाईन डे साजर करण्यासाठी उत्सुक असतो. पण त्याने यावेळी काही तरी वेगळं करण्याचा निर्णय घेतला आहे.
पाहा व्हिडीओ:
Subscribe
