मुक्तपीठ टीम
राष्ट्रवादी काँग्रेसचे आमदार अमोल मिटकरी यांच्या वक्तव्यामुळे समाजात, सोशल मिडीयात महाराष्ट्रात जातीय, सामाजिक सौहार्द धोक्यात आलं आहे आहे. मराठा- ब्राम्हण समाजात तेढ निर्माण करण्याचा प्रयत्न करणारे मिटकरी मराठा नाहीत. त्यांनी मराठा समाजाच्या तरूणाईचे माझे भडकावून जातीय तेढ निर्माण करू नये, असा इशारा भाजपाचे प्रवक्ते अजित चव्हाण यांनी दिला आहे.
गेल्या काही दिवसात मिटकरी वाट्टेल ते बोलून मराठा आणि ब्राह्मण समाजांमध्ये भांडणं लावण्याचा प्रयत्न करत आहेत, असा आरोप अजित चव्हाण यांनी केला आहे. ज्या मराठा समाजाने ओळख दिली, ज्या समाजामुळे आमदारकी मिळाली त्या मराठा समाजाचा वापर करणे आता बंद करावे. मराठा तरूणांनी लक्षात घ्यावे अमोल मिटकरी मराठा नाही. मराठा नसलेल्या मिटकरींनी मराठा तरूणाईला भडकावून जातीय तेढ निमार्ण करू नये.
“ब्राम्हण-मराठा या समाजांनी बहुजन समाजाला सोबत घेऊन दिल्लीचे तख्त जिंकल्यांचा जाज्वल्य इतिहास आहे हे विसरू नये. सोशल मीडियावर समाजात आपापसात भांडण लावणाऱ्या प्रवृत्तींना हेच अपेक्षित आहे तो प्रयत्न हाणून पाडा, तसेच राष्ट्रवादी काँग्रेस पक्षाचे अध्यक्ष शरद पवार यांनी अमोल मिटकरी यांच्या सारख्या प्रवृत्तींवर कठोर कारवाई करावी असे आवाहन भारतीय जनता पक्षाचे प्रदेश प्रवक्ते अजित चव्हाण यांनी केले आहे.
पाहा:
Subscribe
