मुक्तपीठ टीम
आता विमानाने कुठेही प्रवास करायचा असेल, तर त्यासाठी प्रवाशांना जास्तीचे पैसे खर्च करावे लागणार आहे. तेल कंपन्यांनी पुन्हा एकदा जेट इंधनाच्या दरात वाढ केली आहे. यंदा सलग दहाव्यांदा एटीएफच्या किमती वाढवण्यात आल्या आहेत. अहवालानुसार, कंपन्यांनी त्याची किंमत प्रति किलोलिटर पाच टक्क्यांनी वाढवली आहे. यापूर्वी जेट इंधनाच्या किमती मार्च महिन्यात १८.३ टक्के आणि एप्रिल महिन्यात २ टक्क्यांनी वाढल्या होत्या.
मार्च-एप्रिलमध्ये भाव खूप वाढले
- देशभरात पेट्रोल आणि डिझेलचे दर स्थिर असताना दुसरीकडे एअर टर्बाइन फ्युएल एटीएफच्या किमतीत वाढ थांबण्याचे नाव घेत नाही आहे.
- इंडियन ऑइल कॉर्पोरेशनच्या म्हणण्यानुसार, जेट इंधनाच्या किंमतीत सोमवारी ६,१८८ रुपये प्रति किलोलीटरने वाढ करण्यात आली आहे.
- नवीन दर ३१ मे २०२२ पासून लागू होतील.
दरवाढीनंतरची नवीन किंमत पुढीलप्रमाणे
- या ताज्या वाढीनंतर, दिल्लीतील नवीन ATF किंमत १,१६,८५२ रुपये प्रति किलोलीटरवरून १२३०३९.७१ रुपये प्रति किलोलीटर झाली आहे.
- त्याच वेळी तो मुंबईत १२१८४७.११ रुपये प्रति किलोलीटर, कोलकात्यात १२७८५४.६० रुपये आणि चेन्नईमध्ये १२७२८६.१३ रुपये प्रति किलोलीटरवर पोहोचला आहे.
- या वर्षाच्या सुरुवातीपासून जेट इंधनाच्या किमतीत मोठी वाढ करण्यात आली आहे.
- अहवालानुसार, जानेवारी २०२२ पासून त्याची किंमत ६१.७ टक्क्यांनी वाढली आहे.
Subscribe
